Taybetî nê bernameyan zî nêzdîbîyîşê weçînayişê ser yenakerdiş. Heme nê polîtîkayê leyminî ser serekê PSAKDî Muslum Dogan qise kerd. Dogan vat ke hewna wazîyeno ke ser elewîyan polîtîkayê leyminî bêro şuxulnayiş û wina domna: “Dîrok ra nika polîtîkayê na dewlete ser sûnnîtî û yew netewe ameya înşakerdiş. Nika di Tirkîyaye de ser elewîtî eksenê teolojî nîqaş yena kerdiş, no zî bi qestî yena kerdiş. Elewîtî verê îslamîyetî estbi. Armancê heme nîqaşan elewîtî di zereyê îslamîyetî dest girewtişo. Sazîya Dîyanet sazîyeke asîmîlasyonê ser ameya ronayiş. Ez aşkera vana ke eke elewîyan doz biakerî do heme mizgeftan bêrî rijnayiş la ma ona nêkerî.”

90 serra ke eynî proje
Dogan aşkera kerd ke nika Dîyanet sûnnîyan zî asîmîle kena, çimkî di Tirkîyaye de îslamîyet ser neteweye ame înşakerdiş, yanî îslamîyet di Tirkîyaye de bi cewherîya xo nîno cuyayiş û wina dewam kerd: “MHP partîya ke nijadperest û turanger a, seba leyminî heqê elewîyan reyde elaqadar bena. Di destê MHPijan de hema zî gonî elewîyan est o. Elewîtî îslamîyetî ra ciya ya, çimkî ma nimaj nêkenî, bawerîya ma ser 4 ber û 40 meqamê şekîl girewta. Çew nêeşkeno elewîtî hepsê Dîyanete bikero. Ez aşkera vana ke nê paketî AKP nê zî MHP seba ma qiymetîya çin o.” 




ÎBRAHÎM AÇIKYER / ANF / ENQERE