BERN: Meclîsê Komeleya Kurdê Demokratîk a Berne kongreya xo 2’ine dar vist. Kongreyê ra endama Konseya Rayverîya KCKe Zubeyîr Aydar beşdar bî û Aydar dorûverêkê vanî wa PKK çek verabido ra veng û vat ke belkî raştîya Rojhîlatê Mîyanê û Kurdistanê weş ameyo vînayiş la belê qet yew şar nêeşkeno Rojhîlatê Mîyanê bê pawiyayişê cewherî ser lingan xo bivindero, no ser zî PKK do qet nê şertan de çek ra fek vera nêdo.
Rojawanê xulq kerd
Aydar destnîşan kerd ke Tevgera Kurd hetanê na rojê têkoşîna zaf bi gird da û wina vat: “Peynîya têkoşîna 35 serre Şorişa Rojawanê xulq bî. Ewro verba neyarê merdimatîyê DAIŞê, dewletan daxî nêeşkenî têkoşîn bidê la verba nê çeteyê DAIŞê PKK û şarê kurd têkoşîn da. Verba heme hêrişê çeteyê DAIŞê qet yew gamê tepa nêame eştiş û ma na têkoşîna weş di Kobanê de vîna. Çi heyfo ke nika ravêreyeya çareserî de AKP gam nêerzena û no ser zî pawiyayişê cewherî verba AKPe şert o.”
VİYANA: Meclîsê Komeleya Kurdê Demokratîk a Vîyaneye kongreya xo 2’ine bi şîara ‘Ma Modela Komeleya Demokratîk reyde Neteweya Demokratîk înşa bikerî’ dar vist. Di kongreyê de hemsereka Meclîsê Komeleya Kurdê Demokratîk a Vîyaneye Rojda Korkut qise kerd. Korkut vat ke ê di pêroyina warê de komeleya demokratîk rayvist kerdî. Peynî zî hetkardoxa Şaredarîya Vîyanaye Marîa Vassîlakou qise kerd û Vassîlakou hetkarî da HDPe.
BRUKSEL: Meclîsê Komeleya Kurdê Demokratîk a Bruksele kongreya xo ya yewine dar vist. Kongre di banê Komeleya Kurdê Demokratîk a Bruksele de ame viraştiş. Kongreyê ra hemsereka KCD-E Dilşa Osman û di zaf hûmarîy de kurdistanijê beşdar bîyê. Di kongreyê de Dilşa Osman vat ke di no weçînayişî de taybetê rol û mîsyon ser kurdistanijan keweno.
LEUVEN: Meclîsê Komeleya Kurdê Demokratîk a Leuvene kongreyê xo diyine viraşt. Kongreye ra endamê KNKe Adem Uzun beşdar bî. Uzun di kongreyê de vat ke di Tirkîyaye de averşîyîşê ravêreyeya aştî rê ganî heme weçînitoxê şîrê ser sindoqê û HDPe ra hetkarî bidî, di Ewropaye de ganîyo ke ma seba weçînayişê seferber bibî.
ANF/BRUKSEL