Teşebusê derbe ra dima çarçeweya OHALî de bi Qerarnameyê Hukmê Qanûnî xeylê şaredarîyanê DBPyî rê qayûmî ameyî tayînkerdiş. Nê qayûmî her roje bi kerdişanê xo yê cîya-cîyayan yenî rojeve.
Nê şaredarîyê ke qayûm tayîn bîyî ra yewe zî Şaredarîya Cizîrî ya. Şaredarîya Cizîrî ke hetê Wezîrîya Karê Zereyî ra qayûm tayînê ci bîbî, ewja de tedbîrê ke hesaban ra seba ewleyî yenî girewtiş, resayî dûştê tewr berz. Şaredarîya ke xeylê sazî û dezgehê ci hetê qayûmî ra yan ameyî padayîş û yan zî bêkar veradîyayî de her ke şono hûmara nuqtaya polîsê ke dormeyê şaredarîye de yî zî zêde bena.
Welatîyê ke seba karêkê xo yenî şaredarîye, bi sehnayîşêko hîra ra derbaz benî û dima ra cîhazanê X-rayî ra derbaz benî û ancax bi no hawa eşkenî bikewî bînaya şaredarîye. Heto bîn ra şaredarîye de her roje saetanê mesaî ra ver polîsî bi kutikê ke pisporê bombe yî reyde sehnayîş kenî. Badê ke sehnayîş qedîya xebatkarî eşkenî bikewî zereyê bîna.
Xebatkarê Şaredarîye ke nê kerdişan ra eciz bîyî, dîyar kenî her çiqas ke qayûm Ahmet Adanur nîno şaredarî zî bin nameyê ewleyî de nêyî yenî kerdiş û ma nînan fam nêkenî.
DÎHABER/ŞIRNEX