Aw û ax a bi bereket estêy. Dereyî, çemîy û rûbarîy estêy. Nêy îmkan û derfetîy pêro sedem merdîmatîyî tede bicuyê yê. Merdimîy tede wey bîy û raver şîy. Peymanan mîyan de mûsay. Bi nêy senet an zî peymanêy neweyan rehetîy dîy. Na erdnîgarî ser de bîy niştecih. Semedê debara xo bikerêy pêresnayişî ra derbasê ramitişîy biyêy. Semed pêresnayişîy zî heme team bibîyêy. Heme cûre (away) darîy û fêkîyê daran bol bîy. Heme cûrey teamîy na axî de kuwe bîy. Miyanêy daristanan de zî heme cûre heywanêy kovî estêy. Newal, çem û rûbaran de zî heywanêy mîyanêy awe. Sere de zî masey, na erdnîgarî ser de zî weyî bîy. A semedî ra pêrasnayiş û seydvanî zêde raver şîya.
Merdimtî na erdnîgarî ser mûsay ramitişêy axe û weyekerdişê heywanan. Ramitişê axe û weyekerdişê heywanan rehetîy arde merdimatî rêy. Semedo ke merdimatî gamêke zehf raver bi. Dewîy amey awankerdiş. Semed ramitişêy erdan baxçeyî û hêgayî ameyê viraştiş. Awe newalan, çeman û rûbaran bi viraştişêy vay (qenalan) ardîy nê baxçey û hêgayan ser. Verê ênêy awa yine tay hopîy (lîç) viraştîy. Şewe ava yê ênan lîçe de rasnapê. Roj bi na awe baxçê xo de çiyêy ke ramit awe day. Pey ra pey mûsay ke cit bikerêy û awdêrêy. Mûsay ramitişêy heme çîyan. Tedirey zî heywano kovî wey kerdîy. Tera qatix darde we. Şit û heme çîyê ke şitî ra virazyay viraştîy. Debara xo kerdîy û xo weye kerdîy.
Na axa bi bareket çimêy heme kesan, qebîlan, eşîretan, qiralan û împaratoran tede bibîy. Car carna dewê cîranê yewbînîy semed axa dewê cîranan bin deste xo fîno yewbînandire şer kerdîy, dayêy pêro. Yewbînan wer bar kerdêy. Na axa bi boy û bereket zehf ray bîya axa herîy zêde gonî rişnayişîy. Biya cayêy qetlîaman. Seserra vîstan de netew dewletîy amey awankerdiş. Na axa pîroz û bimbarek, a bi bereket ser netew dewletîy amey awankerdiş. Name netew dewlete ser de pirêzeyê nêy netew dewletan zî bîy. Kurdîy netewbîy nêbîy wayir netew dewlete. Erebîy yew netew la vîst dewletîy (dewletcikîy) viraştîy. Tixûb bi cedwele antîy. Mexsed bi rehetîy bîrîtanya pîl (îngilîz) û hetkarêy yine dewletêy qapîtalîstîy bi rehetî serede Mezopotamya ser û teydir zî Rojhilato Mîyanin de estorê xo biramêy.
La seserra vîst û yewin de, hema zî na erdnîgarî ser gonî rişyena. Hema zî kerey cayêy xo de nê amewêy ronayiş. No heme hema çewres serrêy ke rêxistinîya PKK bi rayberîy Serokê Kurdan Birêz OCALAN î tekoşînêk bena. No hîris û serê ke şerê çekdarîy kena. Ser seredir zî pîl bena gird bena. Şar wayir vejyena. Bi hezaran şervan, bi milyonan hetkarêy na rêxistine estêy.
Ewro hema zî na erdnîgarî ser kayîy yenê kaye kerdiş. Weçînayişê 7 Hezîranî da vînayiş piroja Birêz OCALAN î heme cayê hemeyê Tirkîya de ameya qebûlkerdiş. No hişmendî vîn û bawerî omûd da temamê şarê Tirkîya. Pirêzeyê nê tevgerî Rojava de yeno vînayiş. Hema ewro ti bi namê HES û BARAJ an bi qaleqolan wazenêy gêrîla û şarî yebînî ra dûr bifînê. An zî bi namê ez şima rê elektirîk aren qanala virazen şima erd û axa xo awe bidê. Bi na mêzgî bîranê qeyagazî virazenêy. No şar bi saya serê SEROKATÎ zehf çîye mûsa wo. Tenê rayêk esta vernîya demokrasî abibo. Ewilî maf û demokrasî teydir xizmet yeno.
Nesîp GULTEKÎN