Cizîr de polîtîkayê goçkerdin

Cizîr de terora dewleta tirk ranema. AKP 10 hezar esker û tîmê teybet kirêşt Cizîr. 6 rojanê peynî de, 2 welatijî amey kişten.  3ê ci doman, 7 welatijî bî dirbetin. Vizêr mehleya Cûdî de welatijê 75 serre bi nameyê Osman Emcur ame dirbetinkerdin. Jew domano bi nameyê Elî yo 11 serre zî bi dirbetin.

Qeza de qûwetanê dewlet şewa bîn eştî keyeyan ser, welatijan tehdît kerdî û îynan ra waştî ke mehle û keyeyê xo terk bikerê. Qûwetanê dewlet qeza de ceyran birna. Rîwalê nayî nêweşê makîneyê dîalîz ver talokeyê merdiş de yê. Herzewbîn nêbiyîna ceyran, rîwalê hewayê serdin  tesîrê giran keno. Herzewbîn vizêr Cizîr de, pirodayişan de 1 çawişê pispor merd, 4 eskerî zî bî dirbetin. 

Heta bîn ra, cenazeyê Hediye Şen, a ke maya didi qeçikan bî û veriya hîrê rojan hetê qûwetanê dewlet amê kişten, dewa Dilopkê de amê definkerdin. 


Sîlopijî meydana de yê

Sîlopya de zî ablûqayê dewlet roja 6. de ramena. Qûwetê dewlet yê ke cayê tewr berz yê qeza de bi ca biyê, êrişê mehleyan kenê. Roja Pênşem welatijê bi nameyê Yûsif Abî û Huseyîn Guzel rîwalê sereştişan qrîzê zerrî  ravêrna û weşiya xo kerdî vinî. Cenazeyê Abî û Guzel hona keye ra nêamê giroten. Qeza de xeylê keyeyî netîceyê eştişê topan de veşiyay.

Sîlopyayijî verra terora dewlet kuçeyan veng-tol nêkenê, bi nûmayişanê veng vetiş nêrazîbiyenanê xo damûsnenê. Eskeran vizêr nê perey eştî şaredariya Sîlopya ser.  Heta bîn ra, Cizîr û Kumçati de dewlet wazena qoriciyan tewrê sereştişan bikero. La qoriciyan aşkere kerd ke, îye de verra şarê xo herb nêkerê.


18 kesan weşiya xo kerd vinî 

Nisebîn de, badê 5 rojan, ‘qedexe’yê vetişê teber 7 seatî hewadiya. No mabên de xeylê qoricî zî tewrê ablûqa amey kerdin. Qeza de heta nika 18 kesan weşiya xo kerd vinî. 

 

Kerboran de welatijî ser payan ê

Qezaya Mêrdîn Kerboran de zî sereştişê dewlet roja 9. de ramenê. Qûwetanê dewlet didi hetî ra eştî mehleya Sefa ser. Mehle ra dûmanî bî berz. 

Heta bîn ra heyetê parlamenterê sûk Erol Dora û yê rayveranê DBP û HDP, yê ke waştî dekewê qeza, hethe eskeran dekewtişê qeza de amey vindernayen. Ser israrê heyetî esker û qoriciyan tifingê xo açarnay ser şêligî. Dora nêrazîbiyen damûsna û va: “Endî qeçekan mekişê. Dewlet mecbûra bi Ocalan’î ra muzakereyan destpa bikero.” 


Sûr de ablûqeya bi tanqîn ramena  

Qezaya Amed Sûr de zî êrişê dewlet roja 18. de ramenê. Kişta tîmanê teybet û polîsan de, tanqî zî tewrê ablûqa bî. Qeza de, gegane vengê pirodayişan beno berz. Goreyê zonayişan vizêr mehleya Hasirli de 3 polîsê herekatê teybet amey kişten.  

 

DÎHA/ANF