Verra êriş û terora dewleta tirk, KCD, DBP, HDP, HDK û KJA vejyenê meydanan. Ewro (31ê Kanûne) Sûr ra hetê Şirnex nûmayişê da pîl viraziyena. Eskerakerdisê wertax yê rêxistinan de hayr onciya planê ‘qedinayen’ yê AKP ser û vajiya ke, ‘AKP qetlîamanê xo eskera virazena.’
Eskerakerdisê piyayî de, hayr anciya planê qirkerdin yê AKP ser û vajiya ke, badê na plan, qetlîamanê Amed, Pîrsûs û Anqara virajiyayî, rêxistin û cayê karî yê kurdan rastê serestisan ameyî.
Şar yeno bombevaran kerdin
Eskerakerdis de vajiya ke şarî zî dûstê nî serestisan de xoserî îlan kerdo: ‘’Cizîr, Sîlopî, Kerboran, Nisêbîn, Gever û Sûr de şar yeno bombevaran kerdene. Bi tifingan, bi bombevornayinan keyeyî-çeyî, taxe, camî û cayê tarixî yenê riznayene. Tîmê taybete ke giredayî Serayê doman, cenî, kokim nêvane, însonanê ma qetil kenê, nêverdanê cenazê ci bîrê guretene.’ Eskerakerdisê piyayî de vajiya ke, nî serestisî teyna verra şarê kurdî niyê, verra şaranê tirkiye û însoniye yenê ramitene û no vengdayis ame dayen: “Avê şarê Kurdistan a piya pêro şaranê tirkiye, şoreşger û dormeyê demokrat, iyê ke vanê ez însono wûrze pay, lewe xoverdayiş de ca bicerê. Eskerakerdisê wertax de vajiya ke: Mestê seat 10.00’î de verra serestisan avê verê Belediya Sûka Pîlî yê Amed de kom bemê û verra Sûr şiyayis virazeme. Dime ra kî verra Şirnex kumê
Wa kes temaşekar nêmano
Serva nûmayişî jû vengdayin zî hemserokê DBP yê Amed Alî Şîmşek ra ame. Şîmşek’î herkesî ra waşt ke, kes temaşekar nêmano û tewrê şiyayiş bibo. Şîmşek’î vist vîrî ke Sûr de jû aşmiyo operasyonê îmha yê dewlet ramenê û ard ziwan ke êrişê dewlet endî sînoran ravêrnayo û wina va: “Eleqeyê welatijanê Sûr bi dinya ra birniyayo. Ablûqa û êrişî piya virazenê. Şîmşekî aşkere kerd ke, kurdistan açarniyayê zey girotxane.
Alî Şîmşek’î vist vîrî ke, her roj, her seat merdimê ma netîceyê nê êrişan de weşiya xo kenê vinî. Gerek herkes verra nê hêrişan bivejyo. Şîmşek’î herzewbîn vist vîrî ke, cenazeyê Mesût Sevîktek û Îsa Oran’î vindarnenê û destûr nêdanê ke malbatî cenazeyan bigîrê. Şîmşek’î veng da ke, kes terora dewlet rê temaşekar nêmano, 7î ra heta 70î bikewê hereket.
Rêxistinanê HDP, DBP yê Riha û Sêrt zî derheqê nûmayiş de damûstayîn day û hayr anciya êrişanê dewlet ser. Kurdistanijan ra waziya ke tewrê nûmayiş bibê.
DÎHA/AMED
Kerboran serkewt
Kerboran de xoverdayişê şarî serkewt. 19 rojan dima ‘qedexê’ yê vetisê teber ame wedartene. Netîceyê ablûqayê 19 rojî de 7 welatijî amey kişten. Rixme sereştişan, abluka û ambargo, quwetê dewlet nişkayî îrade şarê Kerboran bişîknî. Kerboranijê ke cenazeyê xo hewaday, serpa înşakerdişê mehleyanê xo kerdî.
Qezaya Mêrdîn Kerboran de dewlet çarçoveyê ‘qedexê’ yê vetişê teber de 19 rojî teror ramit. Quwetanê dewlet semedê îradê şarê Kerboranî şiknayişa, çi ke dest ra me kerd. Bi-pê wesaîtanê zirxî mehleyî guretî ablûqa û bi topan, tifingan eşt welatijan ser. Nê sereştişan de 7 welatijî qetil bî û bi desan kesî bî dirbetin. Sereştişê keyeyan de 11 kesî geriyay binçim. Herzewbîn bi desan heywanî zî wextê sereştişan de amey kişten.
Xeylê keyeyî zî bi eştişanê tanqan xilxiliyay û xelyek keyeyan rê zî bombayan îsabet kerd û keyî veşiyay. Pê nê sereştişan waziya ke, şarê Kerboran keyeyanê xo caverde. La şarê Kerboran zilm û zextê dewlet rê milê xo çewt nêkerd û xoverda. Verva sereştişanê dewlet şar pê xoverdayişa cevab da. Quwetanê dewlet yo per ra sereştişan rê dewam kerd per bîn ra, aw û ceyran birna û ambargoyê gida vist dewre.
Ambargoyî îradeyê şarî nêşikna
Şarê Kerboran pê-bi paştdayene yo bîna, nê sereştişî zî pûç vetî. Çend keyeyî ameyî têhet û pirûn xo bar kerd, pê ciwuyayişê komun xoverda. Kerboran de xelyek teqînayişî zî bî.Teqînayişan de 6 wesaîtê zirxî texrîb bî û xelyek wesaîtan zî xesar dî. Teqînayişan de polîs û tîmê taybetî merdî. Badê 19 rojan dewlet mecbur mend û qedexê tewrî dart we. La mehla Sefa de abluqa hama rameno. Wedartişê qedexî ra dima, welatijan desinde dest kerd gureyînanê newe ra înşakerdişê qeza. Heto-per bîn ra, welatijê ke qetil bibî û cenazê înan nêdariyay bî we, bi torena defin benî.
DÎHA/KERBORAN