Verra faşîzma dewleta AKP kurdistan, tirkiye û teberê welatî de, nûmayişê protestoyî yê kurdan benê berz. Azayê Hereketê ceniyanê Demokratîk yê Alewî kî bi nûmayişanê protestoyî zulmê AKP rê nêrazîbiyen damûsnay. Verra terora dewlet ceniyan hayr ant vinderdişê Ana Fatma, Zarîfe, Zeynep û Huseyîn’î ser.
Verra zorvajî û terora dewlet Dersim de kî sazgeh û hereketê alewî vejiyay meydanan. Azayê Komeleyê Demokratîk yê Alewî, azayê Hereketê Ceniyanê Demokratîk yê Alewî û azayê KJA ra piya bi desan kes Meydanê Sey Riza de amey têlewe û askerekerdis day.
Bêvengî piyakariya sûcî ya
Azaya Hereketê Ceniyanê Demokratîk yê Alewî Cemîle Ataş qesey kerd û vist vîrî ke, qetlîama Mereş ya ke, verriya 37 serran viraziya, bi eynî zihnîyetê faşistîn ramena. Ataş ard zon ke, zey ceniyê alewî, îye paşt danê waştenanê demokratîk, xorayirberdişê. No waşten goreyê felsefeyê cuyayişê alewiyan o. Ataş aşkere kerd ke, bêvengiya ver dê sûc piyakariya. Ma dê vengê xo bikerê berz û nîbê piyakarê sûcdaran.
Ataş hayr ant felsefeyê alewiyan ser û niya va: Alewiyê ke, 72 mîletan rê eynî ca ra niyadenê, verniya pêrokîn zilim û nêheqiyan de vindenê. Ataş va, verniya zilim de vinderdiş, raya heq û heqîqetî de xoverdayiş o.
‘Zey xoverdayişê Pîr Sûltanî’
Stenbol de zî azayanê Hereketê Ceniyanê Demokratîk yê Alewî, ver Meydanê Galatasaray de damûstayîn da. Nûmayiş de panqartê ‘Bi bêvengî nêbeme hemkarê zilm” abiya. Herzewbîn dowîzê ‘Cizîr do nêbo kerbela’, ‘Xoverdayişê Kurdistan zey yê Pîr Sûltanî yo’ hewadiyayî.
Hemseroka Hereketê Ceniyanê Demokratîk yê Alewî Satîye Çakmak damûstayîn wend û hayr ant qetlîama Mereş ser. Çakmak vist vîrî ke, yê ke qetlîama Mereş viraştî, nika zî kurdistan de qetlîaman ramenê. Çakmak ard ziwan ke, eke bi Mereş re rî bi rî ameyaybî, ewro nê qetlîamî dê nêbiyaybî.
Çeraxî serva xoverdayişî
Çakmak hayr ant sereştişanê AKP verra camî, keyeyê cem û cayanê îtiqatî ser û va AKP tenya qestê weşiyê nêkena, herzewbîn êrişê cayanê îbadet, erjiyayenanê kiltûrî zî kena.
Satîye Çakmak vist vîrî ke waştena xoserî heqê da rewa ya û aşkere kerd ke, hereketê alewiyan paşt danê waştenanê xoserî. Çakmak va: “Yê ke verniya zûlum û zorvajî de vinderê, şeytanê bê ziwaniyê”. Ma çeraxanê xo serva teslîmbiyen nê, serva xoverdayiş vistrenê ci. Çakmak verra dîktatoriya seray vengê xoverdayiş da hometê alewî û va: “Bi esqa Huseyîn, bi qûweta Ana Fatma ma veng bidime xoverdayiş.”
Yezidî xo AKP de kerd newe
Verra terora dewlet jû nêrazîbiyen zî Hemseroka DAD yê Enqera Songul Çelîk ra amê. Çelîk va, ma hewna-hona matem-şînê Dersim, Koçgirî, Mereş tepişenê, ma dê qetlîamanê newî ra destûr nêdê. Çelîk vist vîrî ke, zihnîyetê Yezîdî xo dîktatoriya seray de, dewleta AKP de kerdo newî. Wazenê kurdistan de kerbelayê newî virazê. Çelîk hayr ant vinderdişê heqîqatî ser hu niya va: Verra cayo ke zûlum yeno ramiten de, bi vinderdişê Ana Fatma, Zeynep, Zarîfe û bi vinderdişê Huseyîn xoverdayiş meseleyê wijdanî yo. Çelîk veng da hometê alewiyan kî verra zilim leyê şarê kurd de ca bigîrê.
DÎHA