Serokê verênî yê PSAKD Kemal Bulbul’î aşkera kerd ke serva ke otorîteya navendî nêşîbo rayîr ra bivejyo, lazim o dormeyê Enqere û Qesrî de zî xendekî bêrî kinitiş.
Îxtîdarê AKP 7’ê Hezîrane ra na het konseptekê şerî dayo destpêkerdiş û çarçoweyê no konseptî de zî Kurdan bi topyekun kerdo hedef. Şarê kurdî zî dustê nê hêriş û qetlîaman xorayîrberdiş îlan kerd û tewr peynî de zî Kongreyê Komelê Demokratîk (KCD) kombîyayîşek viraşt û paştî da waştişê xorayîrberdişan.
Derheqê babetî de, Serokê verênî yê PSAKD Kemal Bulbul’î ard ziwan ke “Xendekê ke wextê Hz. Muhammed’î de ameybî kinitiş, hetê Salman ê Farisîyî ra ameybî vernîyazkerdiş. No semedî ra ma alewî zî zaf muhîmî danî xendekan. Ganî-gerek sey nê xendekan dormeyê Enqere û Qesrî de zî dûstê yê ke wazenî vernîya demokrasîye de astengî virazî xendekî bêrî kinitiş.
“Ma zilmî qebûl nêkenî
Nûmayişê grevê vêşanî yê sazgehanê alewiyan, ke verra zilmê dewlet destker ci, her ke şona vilayê heme Tirkîye beno. Babete ser o welatijê ke Komeleya Alewîyanê Demokratîk ê Şaxa Tuzla de dekewtbî grevî qalî kerdî. Welatij Husna Kilikli vat ke bi ronîştiş çîk hal nêbeno û wa ê goş bidî qîrayîşê dayîkê ke Kurdistanî de cuyenî ra. Welatij Sumbul Beltir zî ciresna ke ê kesê ke vanî; “Haya ma heme çikê ke yeno cuyayîşî ra esto la destê ma ra teva nîno’ ra vanî; destê şima ra zaf çî yenî, bes o hêzê xo bikê yew û vat ke no semedê kesê ke xo zanî ra vengdayîşekî yo.
Fazîle Ersever zî qalîkerdişê xo ra bi şermezarkerdişê polîtîkayê AKP dest pê kerd û vat ke wijdanê înan dusthe nê hêriş û qetlîaman rehet nîyo û vengê berzkerdişê nûmayişan da. Denîz Guneş’î zî vat ke, ê mîyanê ravêreyeye ke ganî bêveng nêro vindertiş de yî û lazim o her kes nêrazîbiyen damusno. Zekî Tunç’î zî hayr ant zilmê ke Kurdistanî de yeno meşnayîş ser û vat ke ê zey alewî, na zilmî qebul nêkenî û lazim o malbatê lejker û kurdan bibî yew.
DÎHA/AMED/STENBOL
Hedefê diyin alewî yê
Serokê Pêroyî yê Komeleya Pîr Sultan Abdal (PSAKD) Ganî Kaplan’î zî derheqê qetlîamê ke Kurdistan de benî de vat ke rojawanî de tena yeno qalîkerdiş û temaşekerdiş û wina verdewam kerd: “Hêzê dewlete Kurdistan’î de raşte raşt her kesî semedo ke çinî bikî hedef gênî.
Dergahan de xorayverîn
Nika ma vînenî ke verîya nika gruba ke dewlete semedê Sûrîye perwerde kerdbî, Kurdistan’î de hemverê şarî şer kenî. Xorayîrberdiş heta serra 1777’î mîyanê dergahan de şeklê rayberîye bi.”
Azayê Heyetê Rayberî yê Komeleya Pîr Sultan Abdalî ya Şaxa Marmarîs’î Huseyîn Acar’î zî vat ke ê, nê qetlîaman xerîb niyî û wina vat: “Ma dê dustê qetlîaman bêveng nêmanê.
Xorayirberdiş heq o
Ma xorayîrberdişî zey heq vînenî û werte de helînayîş û înkarkerdişê do gird esto. Sûkanê Tirkîye de zî xorayîrberdişî yeno waştiş, la verra tersê dewlete nêşkenî waştişê xo bîyarî ziwan.”