Her çiqas rayverînê kantonê Kobanê vano, lez mekirê û pakkerdinê mayin û bombeyin bipawê jî, la belê welatijê qelfe bi qelfe ageyrenê. Rojo ki, Keverê Sînor ê Murşît Pinar akerde beno, bi hezaran welatijî qandê ageyrayin keverî ver de kom benê.
Kobanijê badê prosodorê resmî ê keverê sînorî de, ravêrenê Kobanê. Welatijê Kobanê vera heme zehmetiyan ageyrayinê ca û warê xo tercîh kenê. Goreyê qeydê rayveranê kantonê Kobanê, 26ê çiley ra na kişt, amorê kesê ageyrayê 40 hezar kesan ravêrdo.
Kesê ki ageyrenê verî, şinê wezîfedarê asayişê Kobanê het. Wija xo qeyd kenê û bado jî şinê Mala Gel. Kesê bananê ci zirar nêdiyo, şinê wija, la belê iyê ki bananê ci zirar diyo jî, cayanê bînan de yenê bi cakerdin. Welatijê ki dewanê azadkerdey jî, binê kontrolê Asayiş û YPG de ageyrenê dewanê xo. Kobanijê ki ageyrenê kêfweşînê xo anê ziwan û spasê quwetanê YPG û YPJ kenê.
KOBANÊ