Şar eşkeno piya biciwo
Heyetê Tevgerê Azadî serweşî malbatê Danyel Reşad, hetkardox Ezîz Mîhat, birayê Cegir-Rêkewt û Îbrahîm Mihemed Seîd ê şer de cuya xo vînî kerd, serweşî waşt, heyetî birîndaran zî zîyaret kerd û înan ra şîfaya xêrê waşt û qewimyayîşan ser o zî zanayîş girewt. Endamê heyetê yê serpirodayîşê serweşîyî qise kerdî, vatî ke kurdan ti rayî hêrişê şarê bîn nêkerdî la her çar parçeyê Kurdistanî de hêriş kurdan ra yeno kerdiş. Endaman dayî zanayîş ke hetê cuya pîya ya kurd, tirkmen, ereb û bawermendê şîna û sunîyan na qezaya Xurmatû cayêkî zaf muhîm ı û wina vatî: “Şar eşkenî pîya biciwo, verpirsîyarîya ma hemeyan zî na ya .”
Herb nêwazeme
Malbatê merdimê înan cuya xo vînî kerdî zî veng hêzê Kurdistanê Vaşûrî kerdî ke probleman çareser bikero û vatî ke dejê înan tewr giran o û wina vatî: “Ma nêwazenî şer hîna zafêr dewam bikero. Ma domanê xo, wa û birayê xo vînî kerdî la kesêkî bîn no dejî nêanco.”Heyetê Tevgerê Azadî peynî serpirodayîşî îzahêk da çapemenî, netîce û şopnayîşê xo bi rayapêroyî ra bar kerd.
Tirkîya û Îran kenê têmiyan
Hemserekê Meclîsê Şarî yê Kerkûkî Newzat Bekir qise kerd û wina vat: “Bi seyan serrî na qeza de bi desan etnik û mezhebî pîya cuyayî labelê serra 2003 ra nika no heremî tay hêz hewl danî têmîyanî bivejî. Serî de Îran û Tirkîya, hêzê fina Erebîstano Siûdî, DYA dest pê têmîyan kerdişî ewta kerdî. Netîce de zî rewşêke bi no rengî, şer vejîya meydanî la bêro vînayîş ke şarê na qeza wayîrê herra xo vejîyeno û bi qehramanî pawiyeno û pawiyayîşê xo zî do bidomnî.”
ANF/XÛRMATÛ