Aktîvîstê Cepheyê Neteweyî ke seba destek bidî çalakîya tirsê ganîye ya ciwanan şîybî Qendîl, ewja de mesajê muhîmî dayî.
Aktîvîstan ra Şîrîn Ebdulvelîde dîyar kerde ke ê seba ke vernîya hêriş û dagîrkerîya dewleta tirkî de bivinderî, ameyî Qendîl û wina va: “Ma do vera dagîrkerîya tirkan de sere nêronî. Êdî virazîyayîşê Kongreya Neteweyî ya Kurdî mecbûrî ya. Prosesêko winasî de viraştişê kongre wezîfeyê herkesî yo.”
Verfekê Çapemenîye yê Cepheyê Neteweyî Bexal Namisî va ‘ma seba ke cewab bidî hêriş û dagîrkerîye, tîya de yî’ û wina domna: “Hukmatê Îraqî mecbur o ke sînoranê welatê xo bipawo. Ma tîya ra veng danî heme kurdistanîyan ke wa bibî yewe û pîya têkoşîn bidî. Ma destek danî çalakîya ciwanan û ma na çalakîye serkewte vînenî.”
Ganî vera dagîrkerîye de bivinderî
Parlamenterê YNKyî Salar Mahmutî zî da zanayîş ke dewleta tirkî Vakurê Kurdistanî de cînayetan kena û wina va: “Rojawan de Efrîn dagîr kerde û hewl dana Başûr zî dagîr bikera. Dewleta tirkî hem hewa ra heme bejayî ra sînoranê Başûrê Kurdistanî îxlal kena. Ganî hetê mîyanneteweyî vera na dagîrkerîye de bivinderî. Ganî meclîsê Başûrê Kurdistanî û yê Îraqî vera na dagîrkerîye de bivindero.”
ROJNEWS / BEHDÎNAN