Herkes ser xoverdayîşê Kobanê qisey keno. Tayî vanî xoverdayîşê Kobanê  sey yê  Stalîngrad o. Ser nayê zaf nuştê zî amêye nuştiş.

Bena ser xoverdayîşê Stalîngradî, xoverdayîşê Kobanê weşêr bidenê naskerdiş. Bi teybet şarê Rojava yane yê Ewropa û Amerîka  hina lezêr xoverdayîşê Kobanê bişinasno. La  xoverdayîşê Kobanê, xoverdayîşê Stalîngrad zêdeyîr sey xoverdayîşê Kela Dimdim o. Yane xoverdayîşê Kobanê zedeyîr sey xoverdayîşê Dizikê(Keleh) Dimdim o.       
Serra 1609 û 1610'de Kurdê Biradostê bin serwerîyê Emîr Xanê Lepzêrîn(Çengzêrîn) hemberê Safevîyan û Şah Ebbasî şer û xoverdayîş kenî.
Ser nayê kilam yane deyîr zî amêye vatiş. Yew deyîr hinaw a. Na deyîr de Emîr Xanê Lepzêrîn, şahê Safavîyan ra hina vano.
"Tacê te ser serê te be.
Gû nav mesebê te be.
Kuştina mêra wê hebe.
Kurdistan bênav nabe".
Kirdkîya(Zazakî, Kirmanckî, Dimi) na deyîra Kurmancî hinawa.
"Tacê tu ser serê tu bo.
Wa gi bikewro mîyanê mesebê to.
Ê kiştişê agîdan bibo.
Kurdistan bê şan û şeref nêmanen o".
Emîr Xanê Lepzêrîn(Çengzêrîn)
Deyîr  hina bena derg û şina. No xoverdayîş de Kurdê Biradostî heta peyînê Kela Dimdimê pawenê. Pêronê înan yenî  şehîdkerdiş la reyna teslîmê şahê Safevîyan nêbenê. Dima ra ser Kela Dimdimê destan yenî nuştiş. Tewir tewir destan yenî nuştiş. Ewro zî Kela Dimdimê ziwanê pêronê Kurdan de ya.
Vizêrî seyî Şarê Kurd yê Biradost seyî şan û şerefê Kurdan pawit o, ewro zî şarê Kobanê şan û şerefê Kurdan pawen o.
Şarê Kurd yê Biradostî, Kela Dimdimê de heta peyînê xoverdayîş kerd, teslîm nêbi, pêronê berxwederan şehîd kewtî. La ruhek berxwedanî pê xo de verda.
Kobanê de bena şehîdî zaf bibenê, bena Kobanê vîran û xirabê bibo. La wa herkes na raştî bizan o. Kobanê qet û qet vînnêkeno. Ê Kobanê serbikewro.
Çunke ewro dem û dewran ferqlîyo.
Çunke egidê ewro YPG-YPJ ferqlîyê.
Çunke Şarê Kurd yê ewro zî ferqliy o.
Çar parçe Kurdistan ser lingan o.
Teberê Kurdistan ser lingan o.
Pêronê dinya ser qehremaniya Şarê Kobanê û şervanê YPG-YPJ qisey ken o.
Nayê qehreman ê Kobanê zî rizgarbikerêne, şan û şerefê Kurdistan  bipawêne.
La gera ma înan tena nêverdi.
Heta ke Kobanê û Rojavayê Kurdistan azad nêbibo, gera ma ser lingan bi.