Delegasyonê Mavenê Netewan yê Haştiye ser silayiya ma bi rayveriya Essa Moosa ame Tirkiya. Mossa Afrîka ser qesey kerd û ard zon ki o waxtê xortiya xo de ave vatîşê ‘ma pero piya beme azad’ rê tîbariye nêkerd bî. Û ard zon ki dima onca bi xo azad biyayena Mandela, tepîşteyê siyasî û pêro şarî rê danoxênî kerd.
Mi qe gos da Mossa û mûnaqaşeyan ser waxtê zemane verî ame mi virr.. O waxt mavenê sukanê Kurdistan de zonayîsê kamiya xo yê Kurdî ra hata biyayîşê xo yê Qizilbaş ya kî sunnî ser jû kiyas kerden û xo ra dûr kerdena xorî est bî.. Bi vatîşê kilm, ma o waxt keso xam û talokeyîna juvînê bî me.. Bi taybet nuxteyê Qizilbaşen û sunniyen ser çarçove û sindoranê sertin est bî û na riwal ra dusmentiya be veng bî.O waxt mavenê tekîliyan de dûriye est bî û jedeyê ci kî zeryan şikîtayî bî.. Jê sima kî qebul kene, atmosfer û hisê niyanen, bi xoverdayişê ca negreteneyi eştine jûvînî sera, dimakî inkâr kerdis biyene pêda.. Aleviyê Qizilbaşê ma Vater ‘paçê şa bi şuteyene nêbeno spî’.. sunniyan kî e bi tek jû çeku vatenê ‘Qizilbaşê kafîr’..
Nî nuxteyî numuneyê en zelal yê red kerdîş bî. La dima, ave her didi hetira sukanê ciyayen ra domonî şî koyan. Û nî domonî ko, birr û wareyê döwan de şar pêro piya ame te rüy jubin diya. Naye ra tepiya xeyle çî dest kerd ciya biyayene..iyekê ave nêşiyenê döwanê bînan, dest kerd govende de pêro piya ca guretene û dima kî pêro piya
Xoverdayene.. Dima jê pêroyîna ma zonemê ki, demê netew biyayene dewam kerd û ma çarnayemê çeye girsê ki ciya biyayis jê zenginiya vinenê.. Ma ave xamê xo ki zerrê ma de rê, ebi înan jûvînî naskerd û dima kî domonê şaranê binan naskerd, amê têlewe û bîme heval.. Pêroyina nînan bi zerre weşiye û emega gencanê ki keyanê xo ra vecayî û koyan de ameyî têlewe bî pêda.. Hereketa Kurd bi rûmetanê xo yê kulturê cîwiyayîs biya jû dinamika de çarnayişê şarî û cematî/şaran bi na xebat sera bînya guret. Meselaya itikat kerdena azadiye ki Mossa hayr ont ser, seweta ma jû meseleya de xeyle mûhim a..
Ez nejdi biyayisanê May xoverdayis rê seyr kon û vinon ki rixme honde zafina emeg hona jû şoreşo de cîddî pêda nêbî.. Çiko jê Serokatiye kî raxnekerdisê xo de vano: “Seweta mi kampanyayi mêvirazê! Azadiya xo înşa bikêrê ke ma kulini pîya azad bîmê“. Niya vecino werte ki ma înam kerdena azadiye honde rind fam nêkerd û na riwal ra kî şoreş kuno herey. Ma honde rayanê zorîn yê netewbiyayis de şî û gune nika kî naye bi hemleya xo ebi azadiye biyarime têlewe. Na vazifeyê ma yê bingehîn a. Waxto ki inam kerdena azadiye çarna înşa kerdene, komployê mavenê netewan tal veceme û ca yê zilm û esaret yê 100 serran de tedustiye û haştiya de raştkine benê pêda. Naye kî xo rê finale şoreş ê.