Dijî çeteyê DAIŞî pêkewtiş de 23 YPG/YPJijê şehîd kewtbî û çi heyf ke nê 9 roja ke ver Berê Sînorî ya Mursîtpinar de cenazeyî hetê dewleta tirk amey vindarnayiş. Wekîl, sazîyê sivîl û malbatê cenazeyan zî hewl danî ke sînorî ra cenazeyan bidê vîyartiş. Dijî no nêzdîbîyîşê dewleta tirk zî sazîyê sivîl zî bertekê xo mojnenî. Babet sero temsîlkarê MEYA-DERî qise kerdî.
Gonî domanan rijyeno
Vervatoxa MEYA-DER a Sêrtî Berîvan Karakoyun vat ke nê 40 serra ke şarê kurd têkoşîna kamî, azadî û kultira xo dana û wina vat: “Çi heyf ke verba na têkoşîna şarê kurd zî zîhnîyetek zî vana îlla do ez şima çin bikera, çinkerdişê şarê kurd ser wazenî xo bidê cuyayiş. No zî konsepta şerî ya. Serekkomar Erdogan ser gonî no şarê qesrek înşa kerdo û no ser zî qet çi Erdogan çi zî Davutoglu aştî wazenî, çimkî gonî domanê înan nîno rijyayiş.”
Kurd zey vêrên nîyê
Karakoyun aşkera kerd ke êdî qet waştişê ma çi dewletê ra çi zî hukimatê ra menda. Karakoyun veng da mayê lejkerî û dîyar kerd ke bêrê hetê ma de seba aştî bivinderî û têkoşîn bidî, no germî de domanê kurdan sînor de yeno vindarnayiş û êy na zîhnîyetê şermizar kenî û dijî na zîhnîyetê zî do têkoşîna xo hîna hera bikerî.
Yew din de çin a
Hemsereka MEYA-DER a Amedî Leyla Dîcle aşkera kerd ke hukimata AKP ser cenazeyê gerîlayan kay kena û qet cenazeyê gerîllayan daxî tehamul nêkena û wina dewam kerd: “Hukimata AKP ke ser cenazeyan nêzdîbîyîşekî nişan dana, no nêzdîbîyîşê AKPî 4 pirtûkê firaz ra zî eyqirî yo. Ma no nêzdîbîyîşê AKPî lanet kenî. Êdî fek cenazeyê ma ra verabidê, êdî ma nêwazenî qesabaya mayan biveşo.” Hemserekê MEYA-DER a Êlihî Şukru Baytar zî no derheq de ard ziwan ke semeda cenazenedayîşî de lazim o Neteweyêy Yewbîyayîşî û heme roşnvîrêy bi wijdan bidekewîy dewre.
AMED