Birûsk Kop malbateke Mûşê ra ya. Koç malbatê xo zey feodal la welatperwer bi name kena. Kop ard ziwan ke ey ra sewbî kes malbatê ci ra beşdarê refê PKKê nêbîyê û wina vat: “Malbatê min ra beşdarbîyîşê refê PKKê çinî. Bi tena ez beşdar bîya. Kêmasîya nênaskerdişê PKKê estbî.”
Malbata min koç kerd
Koç rewşa xo ya şinasnayişê PKK ser destnîşan kerd ke o PKK weş nas nêkerd û wina dewam kerd: “Min zanaynê ke têkoşînek esto la hetanê min asta na têkoşînê çinêbî. Semedeke nê bike malbatê min di serra 1993’ê de Kurdistanê ra vejîya û metropolê rojawan ra bica bî.”
Kop polîtîkayê pergala leşkerîyê de yena meşnayişê nirxna û aşkera kerd raşteyê lejkerî, pêroyina merdimî ke Kurdistan de lejkerî kenî bi giranî kurd î û no zî polîtîkayê dewlet a.
Seyî ra 75 Kurd î
Kop ciresna ke dewleta tirk Kurdistan de wezîfedarkerdişî lejkeran taybetê kurdan weçînaynê û wina dewam kerd: “Seba kesî rojhîlat û vaşûrê rojhilatê lejkerîyê kenî, bi taybetê kurd ameynê weçînayişî. No zî bi zanayişî ameynê kerdişî. Seba ke armancê înan a lêmin dîyar bî, kurd bi kurdan daynê qetilkerdişî. Seyî ra 75’ê lejkerê arteşê tirk Kurdistan de kurd î.”
Kop bi taybetê bal ant ser rêjeya lejkerê kurd ê ser xeta sînor û wina vat: “Pêroyina lejkerê qereqolê de ser sînor manenî, kurd î. Bi taybetî yê ser giran manenî, yê vejîyenê operasyonê kurd î. Hûmarê lejkerê kurd ê noca, goreyê cayê sewbî gelekî zaftir î.”
Lejkerî ferz kerdînê
Kop da xuyakerdiş ke gelek semedê şîyîşê nêçarî ya lejkerîyê estbî û vat ke mîyanê pergalê de, hem malbatê ci hem zî dorûverê ci, seba şîyîşê lejkerîyê zext kerdî ci û wina vat: “Verî şîra lejkerîyê, min nêeşkîyaynê karekî fermî de kar bikera. Her tim min ra ameynê vatiş ke; seba ke ti bibê camêrd ganîyo ke ti şîrê lejkerîyê û lejkerê xo bikerî. Semeda şîyîşê lejkerîyê zî, pêkardişê lejkerîyê û agêrayişê metropolan ra bî.”
Xo ser têlan eşt
Kop dîyar kerd ke beşdarbîyîşê ey a goreya beşdarbîyîşê sewbî cida û rengîn bî û zor û zehmetîyê rewa lejkerîya heremê Oremarê bi nê vatişan ard ziwan: “Beşdarbîyîşê min tikey rengîn bî. Min heremê Oremarê de wezîfe kerdî. Dema tumenek Gever de bî, bi 4 û 5 embazê xo dir ma şîyê wezîfeyê. Hetê înan min xo ser têlan eşt û bi dizî kewta zereyê Geverê, noca ra zî min verê xo da koyê, ke heyranê koyê bîya.”
SERHILDAN AMED/ANF/BEHDÎNAN