Uzun vat ke ê Farqîn de zey rewşê Kobanê vînayî, Kobanê dijî çeteyê DAIŞe têkoşînêkê bêhempa dabî, no ser zî Kobanê sembolê xoverodayîşî yo.
Uzun ciresna ke şarê Farqînî zî zey xoverodayîşê Kobanêyî dijî lejker û polîsê AKPe xoverodayîşê xo dayî û linganê xo ser vindertî la hewna welatijê cuyayişê xo dayî la bi têkoşînê şarî ganê zaf hûmarîy de kesî xelisyayo, şarê kurd dîrokê ra nika her tim mîyanê xoverodayîşî de bîyî û şarîkê zaf bi rayvistişî.
Polîtîkayê cîyakerî
Uzun bal ant ser malbatê şehîdî ke konseptê şerî ya AKPe bertek mojnenî û wina vat: “Mîyanê şarê tirk û kurd çew nêeşkeno polîtîkayê cîyakerî averbero, çimkî êdî şaranê Tirkîyaye polîtîkayê lêmin ra haydarî. Şar wazeno ziwanê aştîye bêro şuxulnayîş, hukimatê AKP wazeno zey serrê 90’î polîtîkayan bişuxulno la şaranê Tirkîyaye nê polîtîkayê AKPe ra haydar bîyî û destûr nêdayî polîtîkayê AKPe ra, şarê kurd seba ke şarîkê bi rayvit bî, no ser zî verê terteleyan girewt. Ganîyo ke êdî şarê Tirkîyaya Rojawanî zî zey şarê kurd rayvistişê xo saz bikerî û dijî polîtîkayê AKPe têkoşîn bidî.”
BÊRÎTAN ELYAKUT / JINHA/AMED