9ê Teşrîna verêne ra nata yo ke artêşa Tirk û çeteyanê ci bi tanq, top û teyarayan hêrişê Vakur û Rojhelatê Sûrîye kenî û hewl danî ewja dagîr bikerî. Heta nika xeylê sivîlî ameyî qetilkerdene û hendêna zî birîndar bîyî. Reyna bi sehezaran merdimî hêrişan ver bîyî koçber.
Vera hêrişan de sere de Kurdîstan û Ewropa û xeylê cayanê bînan de çalakîyê protestoyî yenî viraştene. Welatanê sey Swîsre, Swêd, Almanya, Fransa û sewbîna cayan de Kurd û dostê Kurdan vejîyayî raşteyan û hêrişê dagîrkerîye şermizar kerdî.
Çalakgêran silogananê ‘Qatil Erdogan’, ‘Xoverdayîşê Rojawanî’, ‘Cinî cuye azadî’ û sewbîna eştî. Çalakgêran pankart û dovîzê ke hêrişan şermizar kenî, akerdî. Çalakîyan de ame waştene ke wa hêzê mîyanneteweyî hêrişanê dagîrkerîye bivindarnî û bêvengîya xo biqedênê. Reyna tayê cayan de zî çalakîya bêvenge reyde hêrişî ameyî protestokerdene û veng dîya herkesî ke wa beşdarê çalakîyan bibî û gamanê pratîkan bierzî.
BRUKSEL