Serekê Pêroyî yê Komeleya Kulturê Pîr Sultan Abdalî (PSAKD) Ganî Kaplan û Serekê Pêroyî yê Weqfê Kulturê Anatolîya yê Haci Bektaşi Velîyî (HBVAKV) Tuncer Başî zî derheqê 1ê Êlule Roja Aştîye ya Cîhanî de qisey kerdî û seba na roja muhîme mesajê xo yê aştîye dayî.
Kaplanî qiseykerdişê xo de bale ant şero ke cografyaya Kurdistan û Rojhelato Mîyanên de dewam keno ser û wina va: “Demanê peyênan de OHALî ver problemî welatê ma de zêde bîyî û ekonomîye ver bi xirabîye şona. Bi KHKyan bi hezaran merdimî karî ra ameyî eştiş. Ez hêvî kena ke sere de welatê ma û heme dinya de aştî hakim biba û ez na çarçewa de 1ê Êlule Roja Aştîye ya Cîhanî pîroz kena.”
Wa heme cîhan de aştîye hakim biba
Tuncer Başî zî va ‘ez hêvî kena ke Roja Aştîye ya Cîhanî de heme cîhan de do aştîye hakim biba’ û wina dewam kerd: “Mîlletê Yewbîyayeyî na roje seba ke şer biqedyî û merdimî felaketan ra rizgar bibîy, îlan kerdo. Labelê ewro Rojhelato Mîyanên û xeylê cayan de şerî dewam kenî û xeylê merdimî şerî ver mirenî. Emser na roje raştê Roşanî ameye û cok ra muhîmîya na roje zêdeyêr bîya. Ez hêvî kena ke ewro heme cîhan de aştîye awan biba.”
PÎRHA