Endamê Komîteya Îdarekarî ya PKKyî Murat Karayilanî derheqê tecrîdo ke Rayberê Şarê Kurd Abdullah Ocalanî ser de yeno meşnayîş û çalakîyê ke seba şiknayîşê tecrîdî yenî viraştiş de qisey kerd û seba beşdarbîyayîşê çalakîyan veng da. 

Endamê Komîteya Îdarekarî ya PKKyî Karayilanî va ‘ewro Rayber Apo şexsêkî tena nîyo’ û wina dewam kerd: “Ewro formasyonê Rayber Apoyî şexsêkî ra hîrayêr bîyo, rayberê şarêkî yo. Îradeya şarêkî temsîl keno. Seba ma û seba şarê ma rûmet o. Azadkerdişê Rayber Apoyî deynê vileyê ma yo. Xora dişmen seba ke ameyoxa şarê ma tarî bikero, sîstemê Îmrali yê îşkenceyî meşneno. Seba ke îradeya şarê ma bişikno û şarê ma teslîm bigîro, nê sîstemî visto dewre. Cok ra no sîstem sîstemê qirkerdişî yo. Dagîrkerîya Tirkîya bi rayberîya Erdoganî de vera şarê ma de şerê qirkerdişî meşneno û na çarçewa de sîstemo ke Îmrali de visto dewre, tekê ci dinya de çin o. Ganî ma bi her hawayî têkoşîn bidî. Têkoşînê Rayber Apoyî têkoşînê azadîya Kurdistanî yo. Êdî nê her di yewbînan ra cîya nêbenî.”

Karayilanî dewamê qiseykerdişê xo de va bale ant berpirsîyarîya Amerîka û Yewîya Ewropa ya tecrîdî de ser û wina dewam kerde: “Tecrîd de berpirsîyarîya Amerîka û Yewîya Ewropa esta. Nika şarê ma vernîya CPTyî de çalakîyan virazeno. Raşt o berpirsîyarîya CPT û ya Konseyê Ewropa esto. Çira? Çimkî esîrî, remnayîş û caardişê Komploya Mîyanneteweyî de rolê nê dewletan esto. Heto bîn ra Rojhelato Mîyanên de Şerê Cîhanî yo 3. esto û no şer de belayêka girde bi nameyê DAIŞ û El Nusra ameyo peydakerdiş. Hêzê Selefîyî û sewbîna zî estî. Na bela seba heme merdimîye tehluke bîye. Nê hêzan Fransa, Amerîka, Almanya û sewbîna cayan de hêrişî kerdî û dinya nînan ver kewte tersêko gird mîyan.”


Ganî CPT wezîfeyê xo bîyaro ca

Karayilanî qiseykerdişê xo de veng da îdarekaranê Amerîka û Yewîya Ewropa û wina va: “Ganî na babete de nêyî berpirsîyarîya xo bîyarî ca. Ê zî berpirsîyar î. CPT seba herkesî CPT yo, labelê seba kurdan yan zî seba Rayber Apoyî qet çîyêk nîyo. CPT şono Îmrali zîyaret keno û yeno, labelê ti kesî ra çîyêk nêvano. Gelo no dezgeh seba ke kura de neheqî bibo ewja de bikewo dewre û mudaxale bikero, nêame awankerdiş? Belê, o wext çira Îmrali de wina nêkeno? Çira berpirsîyarîya xo nêano ca. Cok ra ganî şarê ma nê hêzê mîyanneteweyîyan berpirsîyar bivîno. Ma zî veng danî nê hêzan ke wa berpirsîyarîya xo bîyarî ca. Çimkî nê kerdişanê dewleta Tirkîya de rol û berpirsîyarîya nînan zî esta.”Seba rayşîyayîşî vengdayîş

Karayilanî wina va: “Ewro do bajarê Dusseldorfî yê Almanya de tayê dezgehê demokratîkî do bi siloganê ‘Ma destûr nêdanî faşîzm rê’ mîtîngêk bivirazî. Vengdayîşê mi o yo ke wa heme şarê ma yo welatperwer beşdarê na mîtînge bibo û vindetişê xo bi hawayo aşkere dîyar bikero. Wa dinya heme bivîno ke şarê kurd senî wayîrê Rayberîya xo, rûmetê xo û ameyoxa xo vejîyeno.” 



ROJNEWS/SILÊMANÎ