Çeteyanê DAIŞî 3ê Tebaxa 2014î de hêrişê bajarê Şengalî kerdbî û netîceyê hêrişê de bi hezaran êzidîyan qetil kerdbî û bi seyan êzidîyan zî esîr girewtbîy. Zafaneyê êzidîyî zî kampê Başûrê Kurdistanî de têkoşînê xo danî. Tayê êzidîyî rayîrê koçberî de bedelanê tewr giranan danî. Suhaya 15 serreyî û keyeyê ci yo ke zulmê DAIŞî ver koçî bajarê Dîlokî kerdî zî nînan ra yî. Nêweşîya rîşa merdimwere dayîka Sûha de vejîyaya. Suha seba dayîka xo hetkarîye wazena.
Suhaye va ‘seba ke ma DAIŞî ra rizgar bibîy, ma cuyêka koçbere tercîh kerd’ û wina dewam kerde: “Ma tewr peynî şîyî Başûrê Kurdistanî. Ewja de şert û mercî zaf giran bîy. Dayîka mi ewja de nêweş kewte. Ma ameyî Midyad û tîya de rewşa dayîka mi hîna giranêr bîye. Ê zî ma sewqê bajarê Dîlokî kerdîy.”
Ancax 5 deqa vînenî
Suhaye dewamê qiseykerdişê xo de va ‘8 aşmî yo ke dayîka mi nêweş a’ û wina qedênaye: “Ti kesî hetkarî nêda ma. Wexto ke ma ameyî Dîlok, ma nêşînayênê derdê xo nêweşxaneyî de vajî. Ma roje de ancax eşkenî 5 deqa dayîka xo bivînî. Seba ke dayîka mi baş biba, gonîya sipî lazim a. Labelê aye zî çin a. Wa Homa heqê ma înan rê nêverdo.”
DÎLOK