Dewleta Tirkî 9ê Teşrîna verêne de dest bi hêrişê Vakur û Rojhelatê Kurdîstanî kerdbî û çarçewaya hêrişan de sîlehî kîmyewî bikar ardbî. Çend rojî verê wexto ke sivîlê ke nêweşxaneyê Vakur û Rojhelatê Sûrîye de ameyî kontrolkerdene, ame dîyayene ke bedenê înan bi temamî helîyayo û amebi vatene ke fosforo spî û sîlehê kîmyewî ameyî bikar ardêne
Endamê Heyetê Îdareyî Weqfê Heqanê Merdiman yê Tirkîya (TÎHV) û pisporê Tibê Edlî Prof. Dr. Umît Bîçerî qisey kerd û waşt ke ganî nê îdîayî bêrî cigêrayîşkerdene. Bîçerî waşt ke wa dewlet û hêzî seba ke cigêrayîş bêro kerdene, hewl bidî û wina va: “Fotografê ke ameyî parekerdene de îdîayê cîddî estî. Labelê merdim nêşêno fotografan ra tesbît bikero ke kamcîn sîlehî ameyî bikar ardene. No sucê şerî yo û ganî gamî bêrî eştene.”
Bîçerî da zanayene ke ganî pawitoxê heqê merdiman, ewnîyayoxî û pisporî ewja de cigêrayîşan bikerî û wina dewam kerd: “Reyna nimuneyê ke ewja ra bêrî girewtene, ganî laboratuvaranê qebulkerdeyan de bêrî analîzkerdene.”
MA/STENBOL