Endama YPS CINÎ Zehra Oruçe (Tamara Şîlan Sîpane) ke wextê qedexeyê tebervejîyayîşî yê qezaya Sûrî ya Amedî de aşma adare de resaye şehadet, cenazeya aye nêdîyeno keyeyê aye.
Muracatê ke dayîka aye Bezo Oruçe seba girewtişê cenaze Serdozgerîya Komare ya Amedî û Mudurîya Asayîşî ya Amedî rê kerdbîy, bênetîce mendîy. Babete ser o dayîke Bezo Oruçe qisey kerde û qala çîyê ke no proses de cuyaye, kerde.
Dayîke va ‘mi tebaxa 2016î de eşnawit ke kênaya mi şehîd kewta’ û wina dewam kerde: “Wexto ke ma eşnawit ke kênaya ma şehîd kewta, ma qasê hîrê hewteyan mabênê dozger û emnîyetî de şîyî û ameyî. Sey mi bi desan keyeyî eynî rewşe cuyenî. Dewlete keyeyan rê zulm kena. Ma cenazeya xo wazenî. Ez wazena wa mezelê kênaya mi bibo. Çira cenazeya ma nêdanî? Seba ke cenazeya ma ra tersenî, nêdanî. Ma aştî wazenî û nêwazenî ti kes bimiro. Ez nêwazena fotografê kênaya xo verik bikera, ez wazena mezelê aye verik bikera.”
EDENE