Seba şehîdan HDP
Endamê Komîteya Zanîstî û Roşnbîyayîşî ya KCKe Munzur Dêrsim dîyar kerd ke 1’ê Teşrîne fina yê 7’ê Hezîrane muhîm o, rewş û qewimyayîşê ke dîroka sîyasetî ya Tirkîyaye de nêqewimyayî, faşîstîya AKPe qewimyayî û bi pelçiqnayîşê destûra xo ya bîngeyîn ra, seba hesap û menfaetê xo yê faşîstîye hewl day şarê kurd û şaranê Tirkîyaye teslîm bigêrî.
Endamê Komîteya Zanîstî û Roşnbîyayîşî ya KCKe Dêrsim wina vat: “Nê bi xo çimeyanê herî gird tersî yî. Çimeyanê herî girdî ra yew dişmenatîya şaran o. AKP û Erdogan dişmenê azadîye yê. Bi no rengî wazenê şaran teslîm bigêrî. Verba na yewe, fina weçînayîşê 7’ê Hezîrane, seba vîrardiş û zerrîsozîya bi merdimê Amed, Pirsûs û Enqereye de şehîd kewtî. Ganîyo weçînayîşê 1’ê Teşrîne de têkoşînê demokrasî û azadîye bêro meşnayîş û AKP sindoqan ra bêro defînkerdiş. Ma bawer kenî ke weçînayîşê 1’ê Teşrîne de heme şarê Tirkîyaye bi hesasîyeteko ganî têbigêrî. Seba ke herikyayişê dîroke de şar ti ray teslîmî dîktatoran nêbîyî.”
Verê ci bigênê
Endama Komîteya Zanîstî û Roşnbîyayîşî ya KCKe Zelal Edessa zî vat ke weçînayîşê 1’ê Teşrîne seba şarê Tirkîyaye zaf muhîm o û da zanayîş ke betalkerdişê weçînayîşê 7’ê Hezîrane û bira weçînayişê verwext, hêriş dijî îradeya şaran o.
Endama Komîteya Zanîstî û Roşnbîyayîşî ya KCKe Edessa wina vat: “Zey ke yeno zanayîş AKP 13 serre faşîstîya xo de ser heme şaran, rejîmeko faşîzan û antî demokratîk da meşnayîş, peynî ke bi weçînayîşê 7’ê Hezîrane no dest şî. Seba rayeko bîn faşîstî bi dest bikero, bi zanayîş hukimat nêda awankerdiş. Hêzê demokratîk û merdimê azadîwaştê Tirkîyaye ganîyo verpersê xo dijî AKP û Erdoganî bido. No verpers zî wa weçînayîşê 1’ê Teşrîne de bêro dayîş.”
Dîlokijan ra veng
Edessa aşkera kerd ke bi taybetî wazena veng bida şarê Rojawano Vaşûr û Dîlokî, merdim seba Dîlokî eşkeno bivajo ke mozaîka şaran o, heme dorûver û şaran ra merdim Dîlok de estî, her heremî ra kedkar û karker estî û weçînayîşê 7’ê Hezîrane de HDP di wekîl vet, labelê potansîyela Dîlokî esto ke heme wekîlan bivejo, seba ke şarê Dîlok ê bi serran a ke cuyayişo hembar de cuyenî û mîyanê înan problem nêvejîyayo, ganî îradeya xo ra wayîr bivejî.
ANF/BEHDÎNAN