Bajarê Dêrikî yê Rojawanê Kurdistanî de 1. Konferansê Yewîya Koperatîfan ke 2 rojî verê dest pêkerdbî, qedîya. Badê ke konferans qedîya, derheqê rewşa Rayberê Şarê Kurd Abdullah Ocalanî de îzehet ame dayîş.
Destpêkê îzehetî de bale ancîyayo ser rewşa tehlukeyî ser û wina ameyo vatiş: “Ma Rojhelato Mîyanên de prosesêko tarîxî ra derbaz benî. Rewşêka winasî ya ke seba heme bindest û şaran tehlukeyêko gird esto. Rewşê winasî de rizgarbîyayîş, azadbîyayîş û tehlukeyî ra xelisîyayîş, tena bi rayîrê demokratîkbîyayîş û aştîye mumkin o.” Dewamê îzehetî de qala çareserîya problemanê herême ameyo kerdiş û îzehet wina dewam kerdo: “Rayîrê demokratîk û aştîyane hetê Rayber Apoyî ra ameyo averberdiş. Rayber Apo kay û îxanetê ke vera şaran de ameyî meşnayîş, bi projeyê xo yo modernîteya demokratîke veng vete û alternatîfêko newe xelq kerd.”Wazenî projeyê Rayber Apoyî wedarnî
Îzehet de ameyo vatiş ke ‘Hêzê neteweyî û mîyanneteweyî seba ke şarê herême sere nêwedarnî û hişyar nêbî, wazenî projeyê Rayber Apoyî orte ra wedarnî’ û îzehet wina dewam kerdo: “Emperyalîst û hêzê herême seba ke şar herême de bi hawayo azade nêcuyo, hewl danî şexsê Rayber Apoyî de projeyê demokrasî û aştîye têk bîşêrî. Tecrîdo ke Rayber Apoyî ser de yeno meşnayîş, tecrîdo ke ser projeyê aştî û biratîya şaran de yeno meşnayîş o.”‘Ma fedaîyê Rayber Apo yî’
Îzehet wina qedîyayo: “Ma do sey endamê Konferansê Koperatîfê Rojawan û Vakurê Rojawanî na rewşe şermizar kenî. Ma zanî ke Rayber Apo tena sey şexsêkî nîyo. Felsefe, cuye û projeyê ci esîr yenî girewtiş. Tecrîd û îzolasyon bi no hawa beno. Goreyê nê esasî, ma do bi pratîzekerdişê felsefe, rayîr û raybazê Rayber Apoyî esîrî û tecrîdî veng bivejî. Goreyê nê esasî ma sozê xo danî û ma yewna rey veng danî heme şaran û şarê xo; wa wayîrê cuye, felsefe û projeyê Rayber Apoyî rê wayîr bivejyî. Wa herkes bizano ke felsefe û projeyê Rayber Apoyî tîya de cuyeno û ma bi ruhêko fedaî girêdayeyê Rayber Apo yî.”
ANHA/ QAMIŞLO