Hemserekîya Konseyê Caardişî yê KCKyî babete ser o îzehetêko nuştekî daye. Hemserekîye dîyar kerde ke wezîrê dewleta tirkî bi hawayo aşkere qala dagîrkerîye kerda û wina va: “Na aşkere ya ke bê tesdîq û destekê PDKyî dewleta tirkî nêşêna vera Mexmur, Şengal yan zî Qendîlî de hêrişê dagîrkerîye bido destpêkerdiş. Hêriş û faşîzmê AKP û MHPyî yeno famkerdiş, labelê hemkarîya PDKyî nîna famkerdiş.”
Hemserekîye dewamê îzehetê xo de wina vato: “Faşîzmê AKP û MHPyî tena vera hêzê ke xeta Rayber Apoyî de dişmenî nêkeno, vera heme kurdan de dişmenî keno. Ewro faşîzmê AKP û MHPyî heme Başûrê Kurdistanî tehdît keno. Cok ra ma veng danî heme hêzanê sîyasî yê Başûrî ke wa vera polîtîka û zîhnîyetê faşîstî yê AKP û MHPyî de bivinderî. Ewro Warê Pawitişê Medya û Qendîl hetê teyarayanê şerî ra yenî bombekerdiş. Heta nika bi desan sîvîlî ameyî bombekerdiş. Wa cinî, ciwan û extîyarî biwerzî payan ser. Gerîla do heta peynî xover bido û Kurdistan bipawo. Wa şarê ma yê Başûrî zî destek bido gerîla.”
ANF / BEHDÎNAN