Parlamenterê Partîya Keskan Denîs de la Reussîlleyî Meclîsê Swîsre de derheqê tecrîdo ke Rayberê Şarê Kurd Abdullah Ocalanî de yeno bicaardiş û weşîya Ocalanî ser o pêşnîyazêk amade kerd û berd Konseyê Federalî yê Swîsre.
Parlamenter Denîs de la Ressîlleyî pêşnîyazê xo de dayo vîr ke ‘Ocalan serra 1999 ra nata zîndan de binê şert û mercanê giranan de yeno tepiştiş’ û wina dewam kerd: “11ê êlula 2016î ra nata ti kes nêşêno Ocalanî reyde pêvînayîş bikero.”
Parlamenter Ressîlleyî dewamê pêşnîyazê xo de bale anto hewldayîşê Ocalanî yê seba awanbîyayîşê aştîye ser û wina vato: “Cok ra ganî Konseyê Federalî yê Swîsre tecrîd ser o hukmatê tirkî reyde têkilî birono. Derheqê weşîya Ocalanî de tayê xeberî ameyî weşênayîş. Swîsre awankarê Rêxistina Xaçosûrî ya, cok ra ganî Konseyê Federalî yê Swîsre no het de têkilî rono û Ocalanî zîyaret bikero. Ma wazenî wa Konsey no het de selahîyetdaranê tirkan ser de zextan bikerî.”
ANF/BERN