Gorê raporê ÎHDe mîyanê dîrokê 21 temmuz û 28 tebaxe de 92 lejker, polîs û 38 gerîla zî cuyayîşê xo vinî kerdî. Hewna rapor de yeno vatiş ke zey demê 90’î sivîlî raşteyan de yenî qetilkerdiş. 47 sivîl amey qetilkerdiş û 2386 kesî zî bi operasyonê sîyasî de amey binçimgirewtiş.  

Konseptê şerî ya AKPe ser Endama Konseya Serekî ya KCKe Zaxo Zagros qise kerd. Endama Konseya Serekîya KCKe Zagros verê qiseya xo de Kurdistan de îlankerdişê xorayîrberdişan silam kerd û ciresna ke wa dijî hêrişê dewleta tirk û AKPe de şarê kurd xopawtişê xo aver bero.

Zagros aşkera kerd ke ganîyo ke ê polîtîkayê dewlete yê qetilkerdişî ra destûr nêdî, eke polîsê AKPe seba qetilkerdişê taxan keweno, ganî destûr nê polîsan nîro dayiş û wina vat: “Taxî de şerto ke heme welatijê bibî hêzê xopawitişî û encax bi no şeklî şarê kurd xo qirkerdişan ra bipawo. No ser zî ganî şarê kurd rayvistişê xo hîna hêzdar bikero û tax, kûçe û dewê de rayvistbîyîşê xo bikero û heme welatijê do bibî hêzê îstîhbaratî. Wa her kes seba problemê taxa xo ser xebat bikero û hêzê xopawitişî ra zî beşdar bibo.”


Dijî girewtişan

Zagros îzeh kerd ke çi heyf ke dewleta tirk heme hêzê xo reyde şarê kurd ra hêriş kena û no ser zî şarê kurd şerto ke dijî nê hêrişan xo bipawo û çalakîyê mîsîllemeyî bivirazo û wina domna: “Her roj dijî xorayîrberdişan hêriş yenî kerdiş, no hêriş tena bi lejkerî nînê kerdiş, raşteyê sîyasî, kultirî, huqiqî û komeleyî de nê hêriş yenî kerdiş.”


Wazenê kole bikerî

Zagros wina dewam kerd: “Çimkî wazenê hewna şarê kurd kole bikerî. Ma xorayîrberdişan îlan kenî û hemşaradarê ma yenî girewtiş. Her roj ciwan û cenîye ma ya yenî girewtiş, ya zî yenî qetilkerdiş. No qet nîno qebulkerdiş, eke ma xorayîrberdişî îlan kenî, ganî ma înfazkerdiş û girewtişê dewlete vero bivinderî û têkoşîn bidî. Dorûverê merdiman, hemşaranê ma de seyan merdim do çember bibî û destûr nêdî ke nêrî girewtiş, çimkî hemşaredarê ma, xorayîrberdişê ma yê.”


Ma xo seba şerî do hadre bikerî

Zagros bal ant ser xopawitişî û destnîşan kerd ke wa hêrişê polîs û lejkerê AKPe ra hêzê xopawitişê reyde verpers bêro dayiş û wina peynî kerd: “Wa destûr nêro dayiş ke welatijê ma nêrî qetilkerdiş û ma destûr nêdî ke wa bikewê taxanê ma. Wa heme ban, kûçe, tax û papolê bibî mayinê û dijî polîsan biteqî. Eke yew komele sazbîyîşê xo bikero do heme problemê xo çareser bikero. Êdî do problemê şaristanî komîteyê huqiqî çareser bikerî, hewna komîteyê ekonomîye zî lazimeyê no şaristanî bivîno, wa persgirêkan çareser biko. Eke êy ma bigêrî do ma zî lazim o înan bitepişî. Êdî kura de yew AKPij esto se do bêro girewtişî.” 


AZA ROJYAN / NEWROZ DIJWAR/JINHA