Qezaya Şemzînanî ya Colemêrgî de bi ameyîşê wisarî merdimî vera xo danî tebîet û şonî zozanan. Zozanê ke zimistanî vewre ra nêasenî, bi ameyîşî wisarî benî rengin. Labelê qedexeyê tebervejîyayîşî ver welatîyî xeylê zehmetîyan ancenî. Babete ser o cinîyê dewijî qisey kerdî. Cinîyan ra Esma Toreya ke 30 serrî yo bêrîvanîye kena, va ‘2 serrî yo ke qedexeyî estî’ û wina domnaye: “Xeylê dewijî qedexeyan ver fek bananê xo ra veradayî û şîyî. Nika xeylê cayanê dewa ma de qereqolî awan bîyî.” Zeynep Toreye zî wina va: “Wa dewlete qereqol û qedexeyanê xo bigîro û şêro. Wa fek ma û zozananê ma ra verabidê.” DÎLAN BABAT/JINNEWS-COLEMÊRG