Qezaya Erdîşî ya Wanî de kelemo (lehne) ke aşma gulane de yeno ramitene, aşma teşrîna verêne de hesadê ci dest pêkerd û do heta aşma kanûne dewam bikero. Eke nê kelemî heta aşma kanûne nêrî rotene, binê vewre de helisîyenî. Kelemê Erdîşî Colemêrg, Îdir, Mûş, Bedlîs, Amed û xeylê bajaranê Kurdîstan û Tirkîya de yeno rotene.
Kelemo namdar yê Erdîşî werdê sey tirşî, dolma û şorbe de yeno şuxulnayene. Şarê Erdîşî ke bi citkarî îdareyê xo keno û rîyê polîtîkaya xeletî ya citkarî ya AKPyî ra xeylî cayê citkarî vînî kerdo, hukmatî ra hêrsbîyaye yo û rixmê krîzê aborîyî xo ver dano. Alî Saso ke citkarî keno û Bedlîsî ra seba herînayîşê kelemî şîyo Erdîş ê zî da zanayene ke rîyê krîzî ra citkarî û şar zaf tengayîyan ancenî.
ANF / WAN