Zîndanê Ewleyîya Berzine yê Wanî de 165 hepsîyê sîyasî seba protestokerdişê tecrîdo ke Rayberê Şarê Kurdî Abdullah Ocalanî ser o esto, dest bi grevê vêşanîye kerdbî. Dima ra 100 hepsîyê bînî zî destek dayî nê hepsîyan. Derheqê 100 hepsîyan de tehqîqat ame akerdene. Îdareyê zîndanî zî dest bi padayîşê serê cayê ke hepsîyî boya xo danî kerd.
Goreyê melumato ke keyeyan da, Çîçek Tutuşe Zîndanê Tarsusî ra surgunê Zîndanê Tîpa Tyî yê Wanî bîya. Ame musayene ke wexto ke gardîyanî Tutuşe û hepsîyê bînî Dîlek Ceylane û Hulya Dîleke reyde benî koguşe, sehnayîşo rût înan ser o ferz kenî. Qebulnêkerdişê hepsîyan ra dima, çar gardîyanan dayî Tutuşe ro. Çîçeka ke nêweşîya astimî aye reyde esto, krîz derbaz kerda. Mudurê zîndanî aye ra vato ‘ma mexapêne’ û dermanê aye nêdayo. Badê ke rewşa aye giran bîya, dermanê astimî dîyayo Tutuşe. Îdareyê zîndanî derheqê Tutuşe de tehqîqat akerdo û seba 10 rojan cezaya hucreyî dayo.
Îdareyê zîndanî ke tehamulê grevê vêşanî nêkerd, waştişnameyê 100 hepsîyê ke seba destekdayîşî nuştbî ra dima derheqê 100 hepsîyan de tehqîqat akerd.
Lajê xo ra xebere nêgêno
Pîyê hepsîyo bi nameyê Îsmet Karakî ke 18ê adare ra nata hucre de yeno tepiştene, Muslum Karak 6 aşmî ra zêde yo ke lajê xo nêdîyo û 4 aşmî yo ke lajê xo ra ti xebere nêgêno. Muslum Karak cuya lajê xo ra etirîyeno û wazeno ke wa demêko raver lajê ey bierşawîyo hetê embazanê xo yê koguşan de yî. Karakî veng da sere de Komeleya Heqê Merdiman (ÎHD) û rêxistinê ke no het de têkoşîn danî.
WAN