Wendekaran ra Şîlan Soylemez ard ziwan ke ya paştî dana grevê ke bin rayvertîya hêzê demokrasî û kedî de yeno kerdiş ra û ya do nêşêro mektebî û wina vat: “Heme çîyo ke yeno kerdiş, hemverê HDPe yo. Ma mirenî, şarê Tirkîyaye zî mireno. Lazim o her kes no raştî biveyno. Ma zî no semedî ra do cuyeyî bidî vindarnayîş.”
Wendekaran ra Erhan Alagoz zî ciresna ke êy hîna zî bin bandorê çîyê ke cuyeyo de yo û wina domna: “Verê zî semedê awankerdişê aştîye komelî, ez şîya xeylê şaristanan. Hemînan de zî dekewtişê şaristanan de polîs dormarê ma girewtênê. Labelê Enqereye de ti polîs nêamey vernîya ma. Do meşêkî bi mana biameynê kerdiş, labelê hêzê tarîye kewtî dewre û nêverday.
Nîyê çi rê mirenî?
Alagoz dergeyîya qalîkerdişê xo de bal ant ser zaafîyetê asayîşî û qalîkerdişê xo wina peynî kerd: “Çîyo ke amey cuyayîş, hetê heme şarî de bal nêant. Çew nêvano nêyî merdimî qey mirenî. Merdimê ke rojawanî de cuyenî qey nêvanî ke ‘dewlet rojhilatî de domananê kurdan kişena, çirê nêyî merdimî yenî heta paytextê ma û aştîye qîrenî?’ Lazim o cuye bêro vindarnayîş. Ez zî paştî dana grevî.”
JINHA/WAN