Hemserokîna Konseya Rayverîn serrgêra yewine ya Qirkerdişê Pirsûsî ser aşkerayêk da. KCK aşkeraya xo de bal ant ser Qirkerdişê Pirsûsî de bi hêrişê bombeyî şehîdkewtişê 33 ciwanê sosyalîstî û wina vat: “Pêroyîya Tirkîya ra ciwanê sosyalîstî seba hetkarîdayîşê Kobanê şîbî Pirsûs labelê Pirsûs de 33 ciwanê sosyalîst ameybî qetilkerdiş. Ma bi rêzî nê 33 ciwanê sosyalîstî vîranenî û ma do awanbîyayîşê Tirkîyaya demokratîk û Kurdistano azad çi wezîfe milê ma keweno bikerî.”
KCK dîyar kerd ke 33 ciwanê sosyalîstî seba ke şarê Kobanê ra hetkarîdayîşî ameybî Pirsûs, ameyî qetilkerdiş û Pirsûs de rûhê hetkarîdayîşî ra hêriş ame kerdiş, çimkî ciwanê sosyalîstî seba destekdayîşê xoverdayîşê Kobanê ameybî yew ca û ruhêk awankerdbî û no ruh zî hem faşîzmê AKPî ra hem zî serkewtişê Kobanê de rolêko gird kaykerdbî.
Damûstayinê KCK bi no vengdayişî qedîya: “Ma serrgêra Qirkerdişê Pirsûsî de veng danî ke wa bingeyê birayîya şaran de xoverdayîş bêro berz û herakerdiş.”
ANF/BEHDÎNAN