Temsîlkarê Konfederasyonê Sendîkayanê Ewropa (ETUC) Patrîck Itsharto ke beşdarê Konferansê Îxracî yê Mîyanneteweyî ke hetê KESKî ra ame organîzekerdiş bî, derheqê îxraçkerdiş û endamtîya Tirkîya ya Yewîya Ewropa de qisey kerd.
Itshartoyî va ‘teşebusê derbe ra dima ETUCî hetê mîyanneteweyî de nê teşebusê derbe şermizar kerdbî’ û wina domna: “Ma piştî da merdimanê Tirkîya, labelê dima ra ma derheqê OHAL û Qerarnameyanê Hukmê Qanûnîyan (KHK) de etirîyayîşê xo zî ardbî ziwan. Ganî Tirkîya de rêz nîşanê peymanê mîyanneteweyî û Heqê Sosyalî yê Ewropa bêro nîşandayîş.”
Ganî qanûnî bêrê raştkerdiş
Itshartoyî hayr ant prosesê endamtîya Tirkîya ya YE ser û wina va: “Heta nika ma tim piştî dayêne endamtîya Tirkîya, labelê kerdişanê Tirkîya ra dima êdî no rehet nîyo. Ez endamê Partîya Karkeran a. Ganî qanûnê kede newe ra bêro raştkerdiş. Ma tay neheqîyan dî û reyna ma dîy ke peymanê ÎLO û AByî ameyî îxlalkerdiş. Ma hema zî cayo ke wazenî bibî ra zaf dûrî yî.”
KENAN KIRKAYA / DÎHABER / ANQARA