Way way nînna!
Rençber Ezîz Çewlîgij o. Deyîrbazo ke zaf erjayî û bi qiymeto.
La çi heyfo ke, emre kî kilmek de ame kiştiş û bar kerd şi dinya bîn. Her vatişê deyîre eyê, seba Şarê Kird(Kurd) zê ayetê Quran o. Vatişê Rençber Ezîz hinayê kî, raştîyê AKP, Fetullah, CHP û dewlata Tirk danê dîyarkerdiş. Şarê Kurd û Kurdîstan xebat keno, AKP vena, reyadarê AKP û dewleta Tirk venî. Kurdîstan, zaf cayê kî zengîno. La dewleta Tirk, Fetullah Gulen, CHP û AKP, Kurdistan şalnenî û benî venî. Şarê ma zî kenî zê parsek. Ser ra zî vanî "Ma dînê Îslam pawenî" û vanî "Ma wayîrê dîn û îmanî". La vejîya werti kî, ti eleqê AKP û Fetullah Gulenî dînê Îslam çîno. Pêronê înan dizdî.
Vengê înan vila bîyê. Xeberdayîşê înan pêro ser pere, mal û mûlk o. Ser bazirganîy o. Dîn û îmanê înan pere, mal û mûlko. Bi ewnenê çend serrî verêcu Rençber Ezîz deyîra xo yê "Pirode" de ser dewleta Tirk û AKP’yij û Munafiqan se vato.
"Pirode!
Ma ramene î venî.
Ma xewtenî î genî.
In laj kutik ma ra se vanî.
Pirode biremin pirode
Pirode kekemin pirode"
Rençber Ezîz se vato eynî hinaw o. Herkesî "ALO BÎLAL û ALO FATÎH" goştarî kerd o. R.T.Erdoganî bin name Îslam û dîn seyî dizdî kerd o. Seyî pere Euro û dolar keye xo da arî kerdî. Şarê Çewlîg, Amed, Dêrsîm û Şarê Kurdistan êdî no dizdîyê Erdogan û Fetullah Gûlen weş vîneno. Şarê Kurd zê Rençber Ezîz deyîro xo "Way Way Nînna" de vato. Eynî hina yarîyê xo AKP,CHP û Fetullah Gulen ra keno. Ê no weçînayîş de dersek zaf gird bido AKP, CHP û Fetullah Gulen. Bi ewnenê Rençber Ezîz se vato:
"WAY WAY NÎNNA!
Way way way way
Way way nînna nînna
***
Ina na aya bîna.
Şima vînenê senîna.
Tanqê şima, mazik ma.
Komir şima, carut ma.
Şima kul kenî zerre ma
Ma vay danê wellê şima.
Şima vînenê seyîne.
Way way way way
Way way nînna
Way way nînna
Way way nînna nînna
***
Kewenê(kane) şima, newe ma.
Bajar şima, dewe ma.
Keynê şima, veyve ma.
Qey xatir birarze ma.
Nîme Qeyserî şima.
Şima vînenê senîna.
Way way way way
Way way nînna
Way way nînna
Way way nînna nînna
***
Evren şima, bîyo her ma.
Ameyo kewt, mîyanê keye ver ma
Mîlletê ma, zê ver nîya
Rençber qay tifîng bigero.
Xelasê faşîst çîna.
Nînna nînna nînna
Şima vînenê senîna.
Nînna nînna nînna".
Ê şarê Kurd no weçînayîş de Rençber Ezîz seyî vato, hina bikero. AKP, Fetullah Gulen û CHP ra vajo, Way way nînna!
