AKP faşîzm ramena
Hemseroka Konseya Rayverîn yê KCK Besê Xozat televizyonê Med Nûçe de, bernameyê ‘Polîtîk Alan de qisey kerd û mesajê muhîmî day. Xozat aşkere kerd ke, ser şaranê tirkiye de zilm û serdestiyê da pîl esta, verra çapemenî zî sansur yeno ramiten. Xozat vist vîrî ke, wexto ke kurdistan de faşîzm biramo, tirkiye de demokrasî nêbeno û wina qisey kerd: “ Kesê ke qisey kenê, tekoşîn danê yenê tepişten, yenê tehdîtkerdin, yenê lînçkerdin. mordemê nêşkenê azad biciwyê.
Xozat vist vîrî ke, heta polîtîkayê înkar û îmya yê verra şarê kurd nêhewadiyê, tirkiye de peyniya faşîzm nîno û niya va: “êrişê dewlet yê faşîzane dê bi kurdistan ra sînor nêmanê, dê vilayê tirkiye zî bibê.
Êrişê verra AKP rewa yo
Hemseroka Konseya Rayverîn yê KCK Besê Xozat veng da kurdê ke metropolanê tirkiye de ciwyenê û niya dewam kerd: “Gune AKP û paştoxê ci hedef bîrê giroten. Gune kurdî metropolan de werzê ser pay, serreyê xo hewadê. Gune tirkiye açarnê cayê adirî. Nûmayişê verra ban û buroyanê AKP rewa yo. Qûwetê ke kurdistan û tirkiye de qetlîaman ramenê û paşt danê polîtîkayanê kiştoxan hedefê.
Qetlîamê ewro dewamê qetlîamê Mereş’ê
Besê Xozat hayr ant qetlîamê Mereş ke 19-26 Kanûne 1978’î de viraziya ser û aşkere kerd ke, qetlîamê ke nika benê, dewamê qetlîamê Mereş’ê.
Veng-tol vetişê polîtîkayanê qetlîam berzkerdişê tekoşîn o
Xozat, aşkere kerd ke zey qetlîamê mereş, dewleta tirk do nika zî nêreso emelanê xo û wina va: Dewlet nika zî nêşkena verniya raya alewiyanê kurd bigîro. Alewiyê ke vilayê Awrûpa û metropolan bî, xo resnenê PKK.
Xozat vist vîrî ke, verniya girotişê polîtîkayanê qetlîam berzkerdişê tekoşîn o. Gune şarê ma hin jêde wayrê ziwan, kiltûr û erciyayenanê xo bivejyo. Niya zihnîyetê qirkerdox do vindî bikero.
ANF/BEHDÎNAN