Êlih de peynîya hewteyî de bi rayberîya Konseya Şaristanî sempozyumêk muhîm ame viraştiş. Wezaretê verên ê Kultir û Turîzmî Ertugrul Gunay zî mîyan de zaf akademîsyen û profesor doktor, huqiqnas, wekîl û temsîlkarê rayvistişî komelî yê sivîlî beşdarî sempozyumî bîyî.
Wazenê Heskîf werte ra wedarnê
Heskîf hetê dîrok, xoza û rewşa xo ya resen, şaristanêkî zaf dewlemend ê heremî yo. Hurî-Mîtan, Asur, Urartu, Med, Pers, Roma, Bîzans, Emewî, Abbasî, Selçukî, Artukî û Eyyubîyan ra banîyî kerdo û xemila na dîrokî resa roja ewro. Bi na taybetmendîya xo ya dîrokî û xozayîya xo Heskêf heman demî 9 û 10 peymîtê UNESCO mîyanê xo de hewîneno. Labelê hawil yeno dayîş no şaristano kan bi polîtîkayê antî-kurdî yê desthelatdarîyê Tirkîya orte ra bêro hawanayîş. Seba ke goreyê rayîr û resmê fermî yê dewlete destûrî nêdano ke serpirodayîşê UNESCO ra bêro kerdiş, nêeşkeno cayê xo mabenê Lîsteya Mîrasê Dinya de bigêro. Bi na astengîya verê serpirodayîşê dewlete wazena Heskêfo dîrokî binê awe de biterno.
ANF/ELIH