Înan ra yew zî mamosteyan ra bi zorî semînerî dayîş o.Wezaretê Perwerdeyê Neteweyî (MEB) pirtûkê ‘Tirkîya de Doza Maarîfî’ mamosteyan ra zey pirtûkê semînerî ferz kerd. Pirtûk de elewîyan ra heqeret yeno kerdiş û bawerîya elewî zî zey ‘xirabeya zîhnîyetê xelisnaya’ yeno nîşan dayîş. Babete ser o sekretera Komeleya Elewîyê Demokratîke ya Enqere (ADAD) Sevgî Kîşîn qise kerd.
Rayo sifteyin o
Sevgî Kîşîn dîyar kerd ke pirtûkêko ke AKP mamosteyan ser o ferz kerdo qet eleqeyê ci perwerdeyî reyde çin o, semîneran seba kêmasî û lazimeyê mamosteyan ra pêşwazkerdiş ser o yenî kerdiş û wina vat: “Rayo sifteyin o ke ona yew bire yena girewtiş. Tedeyî pirtûkî her ca de ame aşkerakerdiş. Ma zey mamosteyê Egîtîm Sen verba no pirtûkî vejenî. Armancê na polîtîka, bedilnayîşê rojdemî nîyo, demo vîyarte ra nika heqê elewîyan de zanayîşê şaş yenî dayîş, no zî tesaduf nîyo. Armancê înan ê sifte binê bandorê xo girewtiş o la demo ke nêeşkîyayî, no dem wazenî biqedînî.”
JINHA/ENQERA