Wazenî dewanê alewîyan çinî bikerî

Kemahê Erzînganî yê Delîçayî de yeno plankerdiş ke HESan bêrî viraştiş, 28’ê teşrîne 2014’î de Dadgeha Îdareya Heremî ya Sêwazî bira ‘HES nîno viraştiş’ dabî labelê Daniştayî bira Dadgeha Îdareya Heremî ya Sêwazî diqet nêgirewt û bira dadgehe betal kerd û verê viraştişê HES akerd.Bi bira Daniştayî do taybetî dewê elewîyan de cayê firazî binê awan de bimanî, welatijê elewî zî nêvirazyayîşê xo nîşandayîş ser o kewtî mîyanê xoverdayîşî.

Sermaye destpa kerd

Taybetî fîrmayê Enerjî yê AS ke wazeno HES bivirazo xo ra dewê elewî yê Nîvanan, Însor, Apişta, Cebesoy, Derekoy, Timixi û Gemarixî hedef girewto. Sezaî Demîrbîlek ke pawitoxî ya welatijê heremî keno babete ser o qise kerd.Pwt. Sezaî Demîrbîlek aşkera kerd ke 2013 de seba talan û wêrankerdişê dewê elewîyan projeya HESî ameyo hadrekerdiş û wina vat: “Şîrketî, newala Delîçayî xirab kerd, mera ke dewijan ra girêdayo wêran kerd. Nika înşaeto ke yeno viraştiş bêhuqiqî yo û çimkî hîna yew destûrê huqiqî werte de çin o. HESan zirarêko gird dayî newala Delîçayî ra. Dewijan seba ke na babet de hîsgêr bîyî no ser bi lezî dest pê xebatê huqiqî kerdî û heremî ra heyetê tesbîtî ardî û no ser zî verê hêrişê mera ame girewtiş. No demî Dadgeha Îdare ya Sêwazî ewta de cigêrayîşêko gird kerd û 6 pispor ameyî herem gêrayî. Raporê ÇEDî ke şîrket hadre kerdo masa ser o ameyo kerdiş û qet rewşa fizîkîya heremî ra nîno behskerdiş.”

Bi no çed proje nêbeno  

Demîrbîlek ciresna ke raporo ke heyetê pisporî 2014 de hadre kerdbî heqê raporê ÇEDî de wina ameynî vatiş: “Bi no raporê ÇEDî ewta proje nîno viraştiş. Ganî rewşa Parka Neteweyî ya Munzurî verê çiman bêro girewtiş. Ganî şuxilnayîşê dewijan ê awe weş bêro vatiş, mîktarê awa ganî dîyar nîyo. Heqê tewirîya heywanî de analîzêk çin o.” Demîrbîlek aşkera kerd ke raporê heyetê pisporî, raporêk zaf bi weş bî û bi no rapor Dadgeha Îdare ya Sêwazî bira betalkerdişî da û peynî bira dadgeha heremî şîrket şî Daniştayî ra ser piro da.

Çimê dîyanetî ra

Demîrbîlek ciresna ke bira Daniştayî do dîroke ra zey lekeyêko sîya bivîyaro û wina peynî kerd: “Merdim bifikro merdimo ke rewşa heremî fam nêkeno, babeta xoza de pispor nîyo, masa ser o de tesbîtê xo keno. Ma bira Daniştayî kirişt Dadgeha Makeqanûnî ra. Taybetî heremo ke HES wazîyeno bêro viraştiş cayê elewî yê firaz estî labelê dewlet babete ra çimê Dîyanetî ra ewnîyena. Viraştişê HESî dijberî bira AÎHMî ya azadîya wijdan û dînî yo.” 

 DÎHA/ERZÎNGAN