Efrîn de bi serranî şar û etnîseteyî ke pîya cuyenê bal antî polîtîkayê Dewleta Tirkî yê mintiqa de wazena şaran yewbînan ra bida pêkewtiş. Vera nê polîtîkayê lêminî de şarê Ereb, Kurd, Tirkmen vatî ke ê do vera polîtîkayê fîtne û fesadî de do yew bibê û têkoşîn bidê.
Şarê Erebî ra Muhammed El Huseyîn aşkera kerd ke verê hêrişê Dewleta Tirkî de Efrîn de şaran mîyanê huquqê birayî de cuye kerdinê û wina vat: “Ma do vera Dewleta Tirkî de pîya têkoşîn bidê, ma vera îşxalkaran herra xo pîya pawitê û ma do bipawî.” Efrînij Zîlan Walo zî dîyar kerd ke ê bi felsefeya Rayber Abdullah Ocalanî yew herra ser de bi sewbîye cuyaynê la Dewleta Tirkî bi îşxalkerdişê mintiqaye waşt mîyanê şaran de fîtne û fesadî biveja.
Projeyê Ocalanî esas ê
Vera polîtîkayê lêminî yê Erdogan û Dewleta Tirkî de taybetî şarê Tirkmenî bertekê xo nîşan dayî, çimkî Erdogan polîkayê lêminî yê xo de şarê Tirkmenî sey silgirî şuxilneno. Şarê Tirkmenî ra Mehmet Cuman pare kerd ke bi fikranê Rayber Abdullah Ocalanî pîya cuye kenê û wina qedîna: “Erdogan taybetî projeyê bîrayîya şaran û netewa demokratîke ra hêriş keno, armancê ey şaranê Surîyeye cîyakerdişî yo.”
ANHA/ŞEHBA