Seba weçînayîşê 1’ê Teşrîne zafî şîrove û muşewreyî viraştî la hema hema heme partîyan serkewtişê xo îlan kerd. No warî de yew qala verêna esta, vanê; “Qet kesekî nêvano doyê min tirş o; Tabîkî bi nê îlankerdişê serkewtişî bi tena biney klasîk o.”
Ganî no warî de dersê girdî bivejî. Ma her kes zanê ke no weçînayîş rewşa yew normalî nêbî, la gelo weçînayîşê 1’ê Teşrîne zî normal yew weçînayîş nêbe. Mîyanê 5-6 aşman mengan de çi bedilîya ke AKP hende zaf rayî girotî şarî ra. No warî de HDP hema biryarê xo nêdabe weçînayîş beno nazî nêbeno esil no warî de yew rewşa mûlaxqî bî. Tam weçînayîşî ra yew hewte nazî 10 rojî mendî bî no warî de HDP startê xebata weçînayîşî day.
Yanî des rojan mîyanî de çi xebate bena? Nê xebata weçînayîşî zî ancî hewayê verî kewte milê meclîsê taxan. Meclîsê taxan ra vat ke; “Şima nê des rojan mîyanî de hem xebata weçînayîşî û hem zî xebata înşaya îdareyê rayverîya esasî kenê.” Senî hewa yew xebate? Zatî no warî de meclîsê taxan mîyanî de seba famkerdişê Xoserîya Demokratîkî ra û nazî îlankerdişê îdareyê ravêreyê esasî ra yew zelalî çinê bî. Heta no warî de hema zî meclîsê taxan mîyanî de zî hema zî manaya famkerdişê meclîsan çîya zafî embazî nêzanê.
Bi nimûne mîyanî Sûrî de qedexeyê asayîşî beno
Bi esil mesela bi zafî ra organîzeyê û rêxistinîya meclîsan çinîya. Heyana Meclîsî xo rêxistinî nêkê se bi senî hewa bingeyê Xoserîya Demokratîkî ronenê. Bi rewşa siloganî ra serkewtişê çîyî nêbeno. No warî de yew rewşa şaşî esta, ma têkê xo xapênenê. No warî de bi nimûne Mîyanê Sûrî de qedexeyê asayîşî beno û polêsî zî gala şarî kenê. Yanî no warî wayîrvejîyayîş û paştîdayîş çinîyo bibo se zî zaf zaf taynî yo. Ha çi beno? Polêsî û tîmê taybetî kewnê taxan mîyan heme keyan tar û mar kenê. Tira dime zî sazî dezgehî yan zî korê şar kewnê kuçeyan mîyan têkê gêrenê û heme çî qedîyeno. Heyana nika no hewa rewşe dewam kena. La heyana key no hewa dewam kerdişê na rewşa şaşî bena? Bi verênî ra ganî verê verkan sazî û dezgehî xo rêxistinî bikerê û tira dime zî bawerî bidê şarî û şarî rêxistinî bikerê. No warî de heyana bingeyê rêxistinî nêvirazîyo se û her dem no hewa rewşa şaşî dewam kena.
Polîtîkaya qirêjî yê dewleta faşîzm
No warî de bi esil ganî raya rêbazê xoverdayîşê çalakîyan bibedilî yo. Ma hema zî rewşa rêbazê klasîkî ra nêxelisîyay. No warî de averberdişê rêbazê neweyî çinî yo. Yew kinar ra zî şar xo apey anceno, hetta terseno zî. Heyana zincîrê koletî nêbiqerfîyê se no hewa rewşê nêmcetî û klasîkî dewam bena.
Çimkî şar heme hewa ra girêdayeyê zîhnîyetê dewlete yo. Ganî şar heme kindiranê xo dewlet ra biqerfno encax bingeyê xoserî yeno ronayîş. Bi tena heme bar şêro Ferqînî û Sûrî, Cîzir, Colemêrg ser ana hewa nêbeno. Ganî nê baran heme kes banco manedê xo ser ancax no hewa averîya xoverdayîşî bena.
No warî de ganî nuştoxê roşnvîrî û sîyasetgerî verê verkan şaşîya xo bivînî û hema şîrove bikerê. Weçînayîşê 7’ê Hezîranî de çi polîtîkaya qirêjî yê dewleta faşîst bîy û eynî polîkaya qirêje 1’ê Teşrîne de dewam kerde. Ha seba nê polîtiîkayo qirêj a AKP 7’ê Hezîrane serkewtiş nêbî labelê 1’ê Teşrîne de tam serkewtiş nêbo se zî bi zafî ra serkewtiş bîy. Hînê no warî çi bîyo, bîyo ganî enkay ra pey nê heme dersê şaşî şîrove bibê û rêbazê rêxistinîya raştî û averî bivirazîyê.
Faşîzma AKP enkay ra pey hem herema Rojhelato Mîyanên de hem zî Kurdistanî de nêeşkena ke îstîkrarê xo dewam bikero. Faşîzma AKP weçînayîşî de rewşa qirêjî ra serkewtiş bî, la hînê enkay ra pey nêeşkena ke îstikrarê serkewtişê xo dewam bikero. Bi tena yew weçînite esto seba kurdan ra rewşa rêxistinî û topyekun xoverdayîş o.
Wijdanê xo reyde muhasebe
Xora no warî faşîzma AKP sewbîna rewşa weçînatî nêverdeya û sewbîna weçînita şar zî çînî ya. Wa enkay ra pey yew nêvajo rewşa min rind a, ez keyeyê xo de bi rewşa asanî ra roşena û temaşe kena. Wa no warî de yew kes xo nêxapêno; çimkî eke no hewa rewşa bêvengî dewam bikero se adir keweno heme keye. No sebeb ra yo ke ganî qorê mêrdimî sereyê xo binê kûmî ra bivejê û xo bineyê têşanê û wijdanê xo reyde muhasebe bikerê. Heyana key nê bêvengî?