Meclîsê Parlamenteran yê Konseyê Ewropa (AKPM) ke seba taqîbkerdişê weçînayîşê 24ê Hezîrane heyeto ke 330 kesan ra pê ameyêne, erşawitbî Tirkîya û Vakurê Kurdistanî. Heyet roja weçînayîşî xeylê cayan de desan astengîyan reyde têrî mendbi.
Parlamentera Partîya Keskan Tabea Rossnere vînayîşê xo yê weçînayîşê 24ê Hezîrane aşkere kerde. Rossnere dîyar kerde ke herçiqas ke heqê înan yê heme cayan de taqîbkerdişê weçînayîşî estbî zî, ma nêşêna nê heqê xo bikar bîyarî.
Rossnere wina domnaye: “Tena Erdoganî propogandaya xo kerd, yê bînî hende şansê înan nêbî. Aktîvîteyê muxalefetî ameyî qedexekerdiş. Ma nêşênî qala weçînayîşêko adil bikerî. Çimkî vera kurdan de şîddet esto û ma ra vatî ‘ma nêşênî ewleyîya canê şima bigîrî’. Ma ewja de prosesêko şikin dî. Zerfê weçînayîşî goreyê qeydeyan nêameyî mor kerdene. Ma dî ke endamê keyeyî bi hawayo komkî şîyî sindoqan ser.”
ANF / BERLÎN