Weçînayoxanê xorê partiya sîyasî bi na lîsta ez o pirofîlêko senin bimocnî yine. Ez o senin verê weçînayoxî, balê weçînayoxî bancî hetê xora. Bi na lîsta meylê xo yo peyin û niyeta xo şanî weçînayoxî dana. Lîsta namzetan bi manayêka şarêko go xîtabê yine bêro kerdişe bikero rê, îşaretêkê baweriya.
Bi awêko bîne zî lîsta namzetan yê heme partîyanê siyasîyan bernamêko go bica biarê, bi kamî, bi kame û bi kaman berê sere. Zerê caye bi çi away dekenê, rewşa caye ya peyine, îstîqametê caye nişan danê.
Lîstê wekîlan, beyan-namê weçînayiş û performansê hevserokanê parîiye tesîrê yine ro serê weçînayişe ser zehfo. Gava nê herhîrê vir û bawerî bide weçînayoxan a gave weçînayox zî verê xo dano rato. Mexsed û mirad yeno ca.
Hadre kerdişêy lîstade kêmasî estê vatişêkê verînan esta; “goşt bê este nêbeno”. La raya yewina vîr û bawerîyêk eysawa. Ma bi namê partîyêk (HDP) bikume weçînayiş. Hukumetê AKP qederê ma niya. Ma êşkenê çarenûsa xo bidestê xo binûsime. An zî bibedelnime. Zehf merdimêy zanay û bi xo bawer waştekê xo ku ez wazen bi bernama na partiye meclîsa Turkiyede nê tekoşînî biday vat. Ewraqê xo teslîmê verpersanê na partiye kerd.
Verpersê na partiye zî bi gor raştiya na partî sero vindertî. Pers û persîyarî kerdî. Şewr û mişêwrey kerdî lazimbe lîstêke wecê werte. Vet werte zî. Rayhevalanêko waştekê yine bibîy her rayheval ercîyayebe. Her rayheval êşkê û bixo bawerbe. La mixabin şert û merc zî ewna bî.
Yê HDP merdim awnen lîsta namzetan ra merdim vînen zehf rengîna, raynê %50 (sera pancas) temsilîyetê ceniyan, hevserokatîye, partiyê bînan ra zehf- zehf zêde vernîde ya.
No weçînayiş de ca dayişê ermeniyan, êzidiyan, suryanîyan, elewiyan na lîsta henî zêde rengî vistê cay. Na wesfê caye yê HDPey herî zêde aye ver bi demokrasîya pêroyine ancena herî zêde bawerî dana weçînayoxan.
Hetê bîrdozî ra zî koalîsyonêkê xoseriya demoktatîk nişan dano. Heme vîrdozîyêkê wazen na hegemonya netew dewletera bixelesyê ardê têhete.
Yê kê wazen edalet, demokrasi, zey yewbîniye biyarê na welat vanê rayê xo partiya HDPey de pêrasnê. Binê na sîwanede ca bigerê.
Vano her weçînayoxêkêy wazenê hukûmat û Erdoganî ra bixelesyê Xoseriya Demokratîk bêro na erdnîgariye ser wazen verê xo bido ra Partiya Demokratîk a Şaran HDPey.
Her hemwelatî van bi ruhê, bi bawerîye qehremananê bêhempa ku duşt temamê hêzê tarîy ku bi taşeroniya DAIŞ Mexmûr, Şengal û KOBANÎ de xoverda û azadîye arde yê cayan bi yê vîr û bawerîye bixebetyê.
No weçînayişêy 7 Hezîranî girîngo. Firsetêko. Semed hesabê qickekan ma serd nebim.
Bêrê ma pêro çi dest mara bêro ma bi ca biarime.Siba (meşt) ma nêvacime heyyyf!
Nesîp GULTEKÎN