Sariyildiz perskerdişê xo de  ard ziwan ke heqê xebergirewtiş û azadî weyra de ameyo astengkerdiş û no zî eleqeya xo bi huqiqî ra çino û wina domna: “Şirnex û qezayanê ci de ser 3Gî ra resayîşê înternetî astengkerdiş gelo bireya dewlete ya an ney? Ger ke bireya dewlete ba aye wext sebeba ci çîya? No bire key ameyo eşrawitiş?
Astengkerdişê resayîşê welatijan a ser 3Gî ra înternetî ra gelo îxlalkerdişê azadî û heqê xebergirewtişî nîyo? Gelo sebeba bi taybetî zî cayo ke kurd tede cuyenîy de qedexekerdişê resayîşê înternetî û giranbîyayîşê EDGE û GPRSî çîyo?
Şirnex û qezayanê ci de birrnayîşê înternetî û 3Gî raştê qetlîyamê Pirsûsî ame, gelo no çîyo ke tesaduf o? Gelo astengkerdişê înternet û 3Gî zî parçeyê sansurkerdişê çapemenîya muxalîf o? Nêy demêy peynî de şaristananê kurdan de zaf îxlalkerdişî virazyay û no astengkerdişê înternetî zî gelo semeda sehkerdişê nînan bêro astengkerdiş bireyek wina ameyo girewtiş? n ANF/ANKARA