Kîlîso ke nûfisê xo ra zafêr bextwaştox ameyo bicakerdiş, seba şarê lêmin ê bi hembarîya desthelatdarîya AKP verê çimê dinya qewimyeno, çeleya 2016 û hetanî nika 50 roketê Katyuşa yê çeteyê DAIŞ kewtî, netîceyê nê hêrişan de goreyê hûmarê fermî 5 sûrîyeyij bi pêroyî 17 sivîlan cuya xo dest dayî û zêdeyî 60 kes birîndar bîyî. Hetkarê Serokê Koma HDP û wekîlê Amedî Îdrîs Baluken hêrişê verba şarê Kîlîsî û polîtîkaya AKP yê Sûrîye ser o qise kerd.

Baluken'î dîyar kerd ke hêrişê hetê Sûrîye ra verba Kîlîsî ameyî kerdiş, netîceyê polîtîkayanê AKP yê Sûrîye de benê û aşkere kerd ke wa nê hêrişî zey hêrişê çeteyan bîrê namekerdiş. 


45 rayan hêrişê fuze

Hetkarê serokê Koma HDP û wekîlê Amedî Baluken da zanayîş ke AKP destpêke ra bi DAIŞ û çeteyê boçê El Qaîdeyî reyde xebitya û şer reyde hewl da ke îradeya şarê Sûrîya bişikîna, statuya şarê kurdî ya Rojawanî tasfîye bikera û wina vat: “Seba têkilîyê tarî yê bi nê çeteyan ra, Sûrîya agêra raşteyê şerî. Nê hêrişan ser o û polîtîkaya şerî ya AKP, şer de Kîlîs de seranserê şaristan sînorê serî ewlekarîya cuya merdiman nêmenda. Bi tenya mîyanê hîrê aşman verba Kîlîsî 45 rayan hêriş ameyî kerdiş. 17 kes merdî, zêdeyî 60 kes dirbetin bîyî. Pêroyî ke çend hêriş ameyî kerdiş zî AKP bi taybetî kerdoxan niminena. Nêveradana DAIŞ û rayvistbîyayîşê bîn ê çete yê Sûrîye de mîyanê Tirkîya bêrî nîqaşkerdiş. Na yew verîya nika qirkerdişê Amed, Pirsûs, Enqere de zî kerdbî. Hêrişê DAIŞ yê nêdîyar kerdbî, hedefê cîya nîşan dabî û bi pênaseke ‘kokteyl’ a bêbingeyî ra hewl dabî DAIŞ heqdar nîşan bido, no ser zî DAIŞ verpersîyarîya înan hêrişê nêgirewtiş xo ser o. Kîlîsî de zî rewş bi no şiklî yo.”


Pîyakarîya AKP bi DAIŞ

Baluken’î hayr ant bedelê ke şarî rîyê polîtîkayê AKP ser o dano û wina domna: “Ya tewr merdim dejneno zî no yo; bi şar bedel yeno dayîş. Aşkereyo ke no hêriş verba şarê Kîlîsî kêm ameyo kerdiş ke nêrazîbîyayîşêkî tewr şenik de zî bi gazî, awa şîd û çuwe hêrişê şarê Kîlîsî kenî. Qirkerdişê Amed, Pirsûs û Enqere de hembarîya AKP û DAIŞ bi rengêkî zelal vejîyabî meydanî. Şarê Kîlîsî ser o zî plansazîyêke nimite vejeno ver çiman. Polîtîkaya AKP ya Sûrîye ser o, heme sûkanê sînorê serî, tîvarîya (ewlekarî) can û malî yê şarê ma nêmenda.” 


HASAN YOLDAŞ/ANF/RIHA