Kam heb kurd qiseybikero vano ez welatperwer a. La raştî ra hina yo? Nê. Prensîbe welatperwerî estî. Yew bi yew hina yê
1- Verê heme çîyan yew gera welatê xo ra hesbikero. Welatê xo terk nêkero. Yew çîyo zaf xeter çin bo yew welatê xo terkbikero la belê ser de zî vajo ez welatperwera raşt nîyo. Gereka yew welatê xo de biciwîyo.
2- Wexto ke dagirker bikero welatê yewî, yew gereka welatê xo bipawo. Nika Kurdîstan hetê dewleta tirkî ra ameyo îstîlakerdiş. Kurdê kî hembere dagirkerîya tirk têkoşîn û şer nêkero, vajo ez welatparêza raşt qiseynêkeno. Nimûne ne çi şero ke nika Silopîya, Cizîr û Amed de yeno ramnayîş. Dewleta tirk pê pêronê teknîk û tewir tewir hêzên çete hêrîşê nê bajaran kena. Tut, ciwan, keyna, dadî, babîyan kişena. Kurdo ke tena zê temaşeker biewno, kurdêk hina neşkeno vajo ez welatperwera. Hele Amed, tena zere Sûrî de şer bibo, qezayên Peyas, Rezan û hetê Şehîtlix înan seyrbikerêne û reyna vajê ma welatperwerî nêbeno. Kam ke hembere dewleta dagirker şer nêkero û tena şerê bajarên bîn seybikero, qet heqê eyê çino vajo ez kurda û kurdê welatperwera.
3- Yew presîbe welatperwerî zî hetê mîlete xo girewtişa. Mîlete xo pawitişa. Gereka her kurd verê hema çiyan mîlete xo ra hesbikero. Mîlete xo ra hereket bikero.
4- Gereka her kurd ziwanê xo qiseybikero. Kurmancî, Kirdkî(Zazakî), Soranî, Hewramî, Lorî, Lekî, Kelhurî û Pehlîkî qiseybikero. Tutanê xo de zî pê ziwanê xo qiseybikero. Kurdî bi wano, bi nuso û qisey bikero. Tutê kamî Kurdî qiseynêkenê bizanê ke welatperwerîya eyê kurd zaf kemîya. Yan zî welatperwer nîyo.
5- Gereka her kurd wayîre exleqê rind û pak bibo. Zere şarê de zê nimûne bîyero mojnayîş.
6- Gereka tarîxê Kurd û Kurdîstanê rind bizano.
7- Gereka fek rayîrên şehîdan ra verenêdo.
8- Gereka dişmenê ra nefret bikero. Gereka en zafî zî dewleta tirkî ra zaf nefret bikero. Qisasê xo û baw û kalanê xo dewleta tirkî ra bigero.
9- Gereka qet û qet eleqê xo dewleta tirkî ra ronêno. Yew sazî û dezgehên dewleta tirkî de karnêkero.
Dewleta ke ser şarê kurdî zulm kena dewleta tirka. Hembere ma serkeşîya dişmenê kena. Eger yew zê R.T.Erdogan û Ehmed Dawidoglu eşkere vanê ma hereketa qirkerdişî kenê, gereka pêronê kurdan jî goreyê nayî têkoşîn bikerenê. Kurdo ke nika hembere dewleta tirk têkoşîn û şer nêkero, O kurd, kurdê welatperwer nêbeno. Kam vano, ez kurda gereka hewe ewwîlî hembere dewleta dagikerker, dewleta tirk têkoşîn û şer bikero. Presîbên welatperwerî yê nika hina yê