Wendekaran bi kerrayan ‘Aydin Erdem bê merg o’ nuştî, pankarta ‘Do Aydinan hesabê Şerzanan bipersî’ û beyreqa PKK û posterê Rayverî Şarê Kurd Abdullah Ocalan akerdî. Di aşkerayî de wendekarê zanîngeha Çukurovaye Mîkaîl Çaliş qise kerd.
Çaliş dîyar kerd ke ê sergêraya şehîd kewtişê Aydin Erdemî de, Erdem hewna vîranenî û wina vat: “Erdem her tim verba pergala faşîst bi vindertişê xo welatperwere finak bi û no ser zî dewleta tirk Erdem qetil kerd. Di vîrardişê Erdemî de ciwanan verba pergala faşîst qîrenî.”
Çaliş di qise xo de bal ont ser xoverodayişê hêzê YPG/YPJ û wina domna: “Do roşnî Aydinan rayîrê ma roşn bikero. Ma vîrnêkerdî do ma nêdî vîrkerdiş zî. Ma hewna soz danî ke do ma verba çete û pergala faşîst de têkoşîna xo ra dewam bikerî û ma sozê na têkoşîne zî danî. “ Wendekaran do di roje nobeda xoverodayişî ra beşdar bibî.
Zanîngeha Kocaelî
Wendekarê zanîngeha Kocaelî û Meclîsê Ciwanî yê Kocaelîya HDKî zî Aydin Erdemî bi çalakîya meşî vîr ardî. Seba çalakîyê wendekaran sifteyin verê zanîngeha Kocaelîye amey yew ca û destpê meşî kerdî. Di meşî de wendekaran pankarta ‘Biciwî xoverodayişê wendekaran’ û wêneyê Aydin Erdem kiriştî û wendekaran dirûşmeyê ‘Paramaz Kizilbaş bê merg o’, ‘Aydin Erdem bê merg o’ û ‘Şehîd nêmirenî’ qîray.
Polîsê AKP û karkerê ewlehî yî yê zanîngehe verî wendekaran girewtî. Wendekaran zî di verê banê Rektorî de aşkera day. Di aşkerayî de wendekaran dîyar kerdî ke qetilkarê Alî Îsmaîl Korkmaz û Aydin Erdem bi hembarîya dewlet û darazî amey pawitiş, çi heyfo ke hema zî ser wendekaran polîtîkayê kiştişî domyeno.
EDENE