Dêrsim de 8 wendekar bananê xo ra bi îdiayê ‘Endamê rêxistinbîyayişî’ û ‘Kerdişê propogandaya rêxistinî’ ameyî girewtiş. Wendekaran, Mudirîya Emnîyetî ya Dêrsimî de kewtê greva vêşanîye. Wendekaran ra binê nameyê teraqî de ajanî ameyo teklîfkerdiş. Çalakîyê Gulîstan Doku û tecrîdî sey sucê rêxistinî wendekaran ra nîşan ameyo dayiş.
Babete ser o wendekaran vatî ke waştî teraqê bi nimite bikê, embazê înan reyde polîsan bê avûkatî qise kerdê, teklîfê ajanî kerdî. Wendekaran aşkera kerdî ke dosyayê înan de çalakîyê Gulîstan Dokuye, tecrîdî bîyê. Polîstan wendekaran ra wina vatî: “Ma aşkenî şima rê hetkarî bidê, dormera ya şima ma şinasnenê. Ezmunan de ma do şima rê hetkarî bidê. Ma şima reyde do teber de çayêk bişimî.”
Ma do heqanê xo bipawî
Wendekaran tewro peynî aşkera kerdî ke demê peynî Dêrsim de wendekaran ser teda û zilm zêdîyayî, demo vîyarte de zî wendekaran ameynî remnayiş, wendekaran ser taybetî polîtîkayê asîmîlasyonî yenî şuxilnayiş û wina qedînayî: “Ewta de bîyayişê Kurd înkar kenî, bi ferasetê çiqas Kurd cîya bikê xebat kenê. Ma do heqanê xo hetanî peynî bipawî.”
PÎRHA/DÊRSIM