Lîseya Gureyî ya Kêna ya Silopî hetê çeteyê POH û JOH ameyo birgehkerdiş û her roj wendekarê kêna ra taciz yeno kerdiş. Silopî de hîna destpêka qedexe de taxa Yenîşehîrî de hîrê wendegehî birgehî ra ameyî açarnayîş.
Îstîsmarê domanan
Peynîya hawanayayîşê qedexe, dorûverê 3 wendegehî bi barîkatê polîs û cendirmeyan ameyî dorpêçkerdiş. Wesayîtê lejkerî zî her tim bi cenayîşê kornayan verê wendegehan vîyarenî, wesayîtê polîs û lejkerî mabenê wendekaran gêrenî û wendekarê kêna ra qalo nêbaş vanî.
Kênayan tacîz kenî
Cayê rakewtişê çeteyê Qesre û beşa ke wendekarê kêna ders vînenî pêrabesteyî yewbînan î. Taybetî berê cayê rakewtişê çeteyê Qesre her tim akerdeyo û çeteyê Qesre bi şeklo zit berî de ronişenî û xo wendekarê kêna ra nîşan danî. Goreyê vatişê malbatê wendekaran çeteyî wendekarê kêna ra hûmara telefonê xo nusenî û erzenî. Çi heyf ke rayedarê wendegehî zî vengê xo nêkenî. Wendekarî dibistana seratayî ra zî eynî polîsê taybet bi zorî Marşê Îstîklalî danî wendiş.
DÎHA/ŞIRNEX