Qezaya Riha Sêwereg de 18 wendekarê mektebê sifte û navîn bi îdiayê jehr kewtî hewadiyay nêweşxane. Dewa Yumurtepe yê Sêwereg de, deja pîze yê wendekaran destci kerd, weşiya wendekaran bî xirab.
Wendekarî bi îdiayê jehr kewtî, hewadiyay servîsê lezgîn yê nêweşxaneyê Sêwereg û girotiyay bin muşahede. Goreyê zonayişan talokeyê heyatî yê wendekaran çinyo. Badê tehlîlan do zelal bibo, ka wendekarî rîwalê çi jehr kewtiyê.
Qezayê trafîk de 8 dirbetinî
Heta bîn ra Sêwereg de jew qezayê bîn yê tirafîk qewimî.
Sêwereg de jû wesayîta ke mualimî miyan de bî, ray ra vejiya û 8 mualimî bî dirbetin.
Qeza 50 km dûrê Sêwereg de qewimiya. Rîwalê teqînayişê teker, wesayît ray ra vejiya. Netîce de, mamoste-mualimê mektebê dewa Dogukent bî dirbetin.
Dirûmê 2 kesan giran o
Kesê ke bî dirbetin bi wesayita servîs û bi ambulansan hewadiyay nêweşxaneyê Sêwereg. Goreyê zonayişan, dirbetinan ra, dirûmê didiyan zaf giran o. Sebebê qeza hewna nîno zonayen.
SÊWEREG