Civaka Îslamî ya Kurdistanê (CÎK), Federasyona Elewiyan a Demokratîk li Ewropayê (FEDA) û Kongreya Civaka Demokratîk a Kurdistaniyên li Ewropayê (KCD-E) banga beşdariya xwurt a Newrozê kirin. 

Civaka Îslamî ya Kurdistanê daxuyaniyeke nivîskî weşand û diyar kir, Cejna Newrozê ya ku bihara mazlûman e ji aliyê gelê Kurd ê mazlûm ve tê pîroz kirin. CÎK’ê ev bang kir: “Em jî wekî Misilmanên dilsoz, ji bo eniya mazlûman bigihêje serfiraziyê divê em jî bi ruh û can têbikoşin. Divê em Cejna Newrozê bikin cejna serfiraziyê ya mazlûman. Li hemû aliyên cîhanê ji bo em li hemberî vî cînawirê duserî mirovbûn, ol û neteweya xwe karibin biparêzin, divê em bixebitin. Di serî de li welatê me Kurdistanê li her derê divê em bi awayekî coş beşdarî Newrozê bibin û divê em Newrozê bikin cejna rizgariyê. Bi taybetî jî di 18’ê Adarê de divê her kes ligel malbat û derdora xwe beşdarî Newroza Frankfûrtê ya li Elmanyayê bibe.

Em wekî Misilmanên dilsoz, di têkoşîna mazlûman de divê mil bidin mazlûman. Em berê xwe bidin qadên Newrozê!”

18’ê Adarê em li Frankfûrtê bin

Federasyona Elewiyan a Demokratîk li Ewropayê (FEDA), li ser Newrozê daxuyaniyeke nivîskî weşand. FEDA, Cejna Newrozê ya gelên Mezopotamya û Anatoliyê silav kir û ji bo çalakiyên li gelemperiya Ewropayê bên lidarxistin banga tevlîbûnê kir.

Di daxuyaniyê de hat gotin, “Ev bihar dikare bibe bihara azadî û demokrasiyê ya gelên me. Dem ew dem e, ku li dijî zilma zaliman em cihê xwe di nava govenda berxwedanê de bigirin.”

Di dawiya daxuyaniya FEDA’yê de, ji bo pîrozbahiya Newrozê ku wê roja 18’ê Adarê li bajarê Frankfûrt ê Elmanyayê were lidarxistin, banga tevlîbûnê hat kirin.

KCDK-E banga beşdariyeke xwurt kir

Kongreya Civaka Demokratîk a Kurdistaniyên li Ewropayê daxuyaniyeke nivîskî weşand û got, “Li dijî Dehak’an em bi ruhê Hawayan li qadan têdikoşin.” 

Di dewama daxuyaniyê de hat gotin, “Em ê Newroz îsal bikin Newroza ku destketiyên li Rojava veguherîne statuyê, xwedîderketina li xweparastin û xwerêveberiyê û pûçkirina êrîşên dewleta Tirk ên bi destê PDK’ê tên kirin. Gelê me wê di vê Newrozê de yekîtiya xwe ya neteweyî xurtir bike, bi şiyara ‘Ji Rêberê Neteweyî Birêz Ocalan re azadî, statu ji Kurdistanê re’ biherike qadên Newrozê.”

Di dewama daxuyaniyê de hat ragihandin, pîrozbahiyên Newrozê wê li hemû welatên Ewropayê, li Japonya, Kanada û Awûstralyayê bên lidarxistin û ji 18’ê Adarê heta destpêka meha Nîsanê dewam bike. 


Plansaziya Newrozên Ewropayê

18’ê Adara 2017

Stockholm
Meşa navendî ya li bajarê Frankfûrt ê Elmanyayê
Rennes
Parîs
Kanada Toronto
Îtalya Sardegna
Îtalya Parma


19’ê Adara 2017


Swîsre
Marsîlya
Munster
Îngilîstan
Oldenbûrg
Hambûrg
Hollanda Den Haag
Hollanda Arheîm
Îtalya Sardenya


20’ê Adara 2017


Li hemû welatên Ewropayê, li Kanada, Japonya û Awûstralyayê wê NCDK meşên bi meşaleyan lidar bixe.
Japonya Tokyo


21’ê Adara 2017


Li gelek welatan, wê li meclîsên neteweyî û eyaletan resepsiyona Newrozê bê dayîn.
Kanada Montreal
Îtalya Roma 


23’ê Adara 2017


Awûstralya


24’ê Adara 2017


Peîne


25’ê Adara 2017


Danîmarka
Awûstralya Campell Street Blactovn
Fransa Touloûse
Fransa Montpellîer
Bruksel
Awûstûrya Innsbûrg
Swêd Goteborg
Îtalya Roma 


26’ê Adara 2017


Strasboûrg
Îtalya
Bordeaûx
Dragûînîan
Brengez
Swêd Mamloo


1’ê Nîsana 2017


AwûsturalyaSydney
Norwêc
Awûstûrya Viyana


9’ê Nîsana 2017


Îtalya Mîlano



NAVENDA NÛÇEYAN